E fundit!

09:35 Opinione Bujar Leskaj

Bojkoti është gjithnjë gabim

Bojkoti i djeshëm nga Partia Demokratike i seancës plenare...

Deputetja e PD-së: Syri i Kaltër nuk është mall në shitje

20 Gusht 2023, 12:51, Aktualitet CNA

Deputetja e PD-së: Syri i Kaltër nuk është mall në

Foto ilustruese

Deputetja e PD-së ka reaguar pas lajmit në lidhje me vendosjen e tubave te Syri i Kaltër për të furnizuar me ujë rajonin e Puglia-s në Itali, duke e lidhur dhe me vizitën e kryeministres së Italisë, Giorgia Melonit ,në Shqipëri.

Në reagimin e saj Zhupa shprehet se një projekt i tillë me çdo shtet do të ishte çmenduri, papërgjegjshmëri dhe antiligjore.

Zhupa shton se si deputete përfaqësuese edhe e Finiqit, bashkisë ku ndodhet Syri i Kaltër, do të kërkojë informacion zyrtar në lidhje me planet konkrete që ka qeveria shqiptare për këtë park natyror.

“SYRI KALTËR NUK ËSHTË MALL NË SHITJE!

Dje dhe sot mediat japin lajme në lidhje me vendosjen e tubave tek Syri i Kaltër me qëllim furnizimin me ujë të rajonit të Puglias në Itali. Edhe vizita miqësore e kryeministres Meloni, lidhet me këtë sipas burimeve mediatike.

Nuk është hera e parë që dëgjohen të tilla përpjekje me Italinë dhe me Greqinë por do ishte cmenduri, papërgjegjshmëri dhe antiligjore një projekt i tillë me cilindo shtet.

Syri i Kaltër është park natyror dhe ka statusin zonë e mbrojtur nga viti 2002. Punimet, tubacionet, ndërhyrjet do ishin kategorisht të ndaluara dhe në dëm të kësaj pasurie natyrore.

Saranda, Delvina, qytetet e tjera vuajnë nga mungesa e ujit të pijshëm por ska shkuar kurrë ndërmend një ndërhyrje me tubacione në Syrin e Kaltër. Aq më pak të mund të mendohet apo pranohet dicka e tillë për shtetet fqinje.

Si deputete përfaqësuese edhe e Finiqit, bashkisë ku ndodhet Syri i Kaltër do kërkoj informacion zyrtar në lidhje me planet konkrete që ka qeveria shqiptare për këtë park natyror. Asnjë shkatërrim i tij nuk do pranohet kurrsesi!”, shkruan Zhupa./ CNA