E fundit!

13:47 Live Updates

Karburantet në Shqipëri/ Një krizë besimi mes çmimeve dhe transparencës

Çmimet e karburantit sot dhe roli i sh...

Koncesioni 100 milionë eurosh/ Berisha: Beqaj ka zhdukur origjinalin e kontratës së sterilizimit

20 Gusht 2023, 10:39, Aktualitet CNA

Koncesioni 100 milionë eurosh/ Berisha: Beqaj ka zhdukur origjinalin e

Ish-kryeministri Sali Berisha ka hedhur akuza dhe dyshime të forta në lidhje me kontratën e koncesionit 100 milionë eurosh të sterilizimit.

Në një shkrim të tijin në rrjetet sociale, Berisha thotë se ish-ministri i Shëndetësisë ka zhdukur kontratën origjinale dhe e ka quajtur këtë një akt banditesk nga ana e Beqajt.

Ish-kryeministri shkruan se për të fshehur gjurmët e vjedhjeve të tij të tmerrshme ka zhdukur origjinalin e kontratës së sterilizimit.

Sipas Berishës, ky është një akt kriminal i shëmtuar, i ngjashëm me atë të një vrasësi, që për të fshehur vrasjen dhe zhdukur gjurmët e krimit të vet, djeg kufomën e viktimës së tij.

Zhdukja e kontratës origjinale të sterilizimit nga Beqja është banditizëm ekstrem. Ky akt ngjason me atë të vrasësit, që për të zhdukur gjurmët e krimit djeg trupin e viktimës pasi e ka ekzekutuar atë.

Ish-kryeministri nënvizon se me zhdukjen e kontratës origjinale dhe zëvendësimin e saj me një kontratë të falsifikuar, Beqja kërkon të fshehë të gjitha klauzolat e kontratës, në të cilat është bazuar vjedhja e hapur e parave publike nga koncesionari i tij.

Në përmbyllje të postimit të tij, Berisha u bën thirrje shqiptarëve të ngrihen kundër qeverisë Rama, duke e quajtur organizatë kriminale.

Postimi i Sali Berishës

Të dashur miq!

Kriminel me mandat ministri, anëtarë qeverie si Beqja, për të fshehur gjurmët e vjedhjeve të tij të tmerrshme, prej qindëra milionë euro me koncesionet e tij, ka zhdukur origjinalin e kontratës së sterilizimit. Zhdukja e origjinalit të kontratës së sterilizimit, por dhe kontratave të tjera nga kasaforta e ministrit, që e ka firmosur atë pasi gjendet se vetëm me sterilizimin ai ka vjedhë dhjetëra milionë euro, është një akt kriminal i shëmtuar, i ngjashëm me atë të një vrasësi, që për të fshehur vrasjen dhe zhdukur gjurmët e krimit të vet, djeg kufomën e viktimës së tij. Me zhdukjen e kontratës origjinale dhe zëvendësimin e saj me një kontratë të falsifikuar, Beqja kërkon të fsheh të gjitha klauzolat e kontratës, në të cilat është bazuar vjedhja e hapur e parave publike nga koncesionari i tij.

Të dashur qytetar dhe qytetare, shikoni pra se kush janë ata që drejtojnë Ministritë e vendit dhe ulen në karrigen e anëtarit të qeverisë. Duke dënuar me forcën më të madhe këtë akt të rëndë kriminal shtetëror, ju bej thirrje qytetarëve shqiptarë, që të ngrihemi sot ose kurrë kundër kësaj organizate kriminale, që quhet qeveri dhe kryesohet nga Edi Rama dhe nuk ndalet para asnjë krimi për plaçkitjen e qytetarëve shqiptarë.

Vetëm revolta qytetare e qëndrueshme gjerë në dëbimin nga pushteti të këtyre kriminelëve me mandat, është rruga e vetme e shpëtimit të çdo qytetari të ndershëm dhe Shqipërisë nga kthetrat e tyre. sb/ CNA