web counter
LEXO PA REKLAMA!

SHKARKO APP

App Store
Google Play

Kapshtica “makthi” i shoferëve/ Shqipëria punon me 5 sportele, Greqia vetëm 2

20 Gusht 2023, 21:29, Aktualitet CNA

Kapshtica “makthi” i shoferëve/ Shqipëria punon me 5

Pika kufitare e Kapshticës është kthyer në një tmerr të vërtetë për shoferët, për shkak “neglizhencës” së palës greke.

Bëhet me dije se autoritetet shqiptare po punojnë me 5 sportele, ndërsa homologët grekë operojnë me dy sportele, duke shkaktuar kështu radhë kilometrike.

“Nuk ka fare logjikë kjo punë, të presim ne tani këtu 20 orë të kalojmë doganën. Nuk është hera e parë që ndodh kjo, ka 20 vjet e kusur.”

“Kam një orë që pres, vazhdon e njëjta histori se kjo është e përherëshme, flasin ata po asgjë s’po bëjnë. Mysybet, do presim, s’kemi ç’të bëjmë.”- janë shprehur të irrituar drejtuesit e automjeteve për mediat.

Për shumë të tjerë radhët kilometrike dhe pritjet e stërgjata janë kthyer në një normalitet.

“Me gjithë këta njerëz që janë në radhë, s’kemi rrugë tjetër veçse të presim.”

“Kam një orë që pres por është normale për fluksin që është këto ditë se kthehen të gjithë nga vendlindja. Detyrimisht do presim.”

“Është normale se ka shumë fluks por dogana shqiptare po punon shumë mirë, me ritme të shpejta, gjysëm ore kemi ne që presim.”

Mësohet se të shtunën nga Shqipëria kanë dalë rreth 6000 shtetas shqiptarë e të huaj./CNA

 





Lajmet e fundit nga