LEXO PA REKLAMA!

SHKARKO APP

E fundit!

x

Lajmet për konsumin e energjisë/ Reagon Balluku: Mediat po dezinformojnë publikun

30 Gusht 2023, 17:54, Politikë CNA
Lajmet për konsumin e energjisë/ Reagon Balluku: Mediat po
Zv.kryeministrja, njëkohësisht ministrja e Infrastrukturës dhe Energjisë, Belinda Balluku

Ditën e djeshme në media ka qarkulluar një lajm për konsumin e energjisë elektrike. Mediat e cilësonin si paradoksale rënien e konsumit të energjisë, pasi pretendonin se kjo gjë nuk mund të ndodhte në një kohë kur është rritur numri i turistëve.

Për këto lajme ka reaguar këtë të mërkurë zv.kryeministrja, njëkohësisht ministrja e Infrastrukturës dhe Energjisë, Belinda Balluku.

Me anë të një statusi në rrjetet sociale, Balluku thotë se lajmet e errëta synojnë të disinformojnë opinionin publik edhe kur ka arsye për të vlerësuar arritjet.

Ministrja thekson se rënia e konsumit të energjisë ka të bëjë me programin e qeverisë për instalimin e paneleve diellore dhe me uljen e humbjeve teknike dhe jo teknike në rrjetin e shpërndarjes.

Për ata që gjëmojnë lajmet e errëta edhe ku ka dritë plotë dhe aty ku ka arsye për të vlerësuar arritjet, pasi janë sakrifica të përbashkëta, të qytetarëve dhe të Qeverisë, dua të sqaroj opinionin publik që disinformohet rregullisht. Rënia e konsumit të energjisë elektrike, ka qenë dhe do të jetë synim dhe qëllim i punës tonë, ndaj dhe kemi nisur prej kohësh të implementojmë strategjinë e diversifikimit të burimeve energjetike. Gjithashtu politikat tona të efiçencës energjetike, kanë dhënë rezultatet e para.

Rënia e konsumit ka të bëjë me 2 fakte optimiste për vendin tonë me të cilat duhet të krenohemi:

• Mbi 120MËH të instaluara për vetë konsum nga biznese dhe abonentë familjarë. Mjafton të kujtojmë mbështetjen që Qeveria Shqiptare i jep secilit prej këtyre dy grupeve, nga panelet për ngrohjen e ujit dhe deri tek 500 kë e shkëmbimit.

Arsyeja e dytë është padiskutim meritë e punës së palodhur të punonjësve të OSHEE

• Ulje e humbjeve teknike dhe jo teknike në rrjetin e shpërndarjes.

Arritjet e targeteve duhen vlerësuar, sektorit duhet ti njihet progresi i jashtëzakonshëm dhe ne fjalët nuk na trembin pasi për ne flasin rezultatet”, thuhet në reagimin e Ballukut./ CNA

Lajmet e fundit nga