LEXO PA REKLAMA!

SHKARKO APP

E fundit!

x

“Shqipëria noton me krimin”/ Berisha: Opozita, me mision të rëndësishëm

23 Gusht 2023, 14:20, Politikë CNA

“Shqipëria noton me krimin”/ Berisha: Opozita, me mision

Në mbledhjen e Kryesisë së PD-së, ish-kryeministri Sali Berisha ka theksuar edhe një herë që në Shqipëri noton krimi dhe se krimi ka kapur çdo qelizë të shtetit.

Kështu, Berisha nënvizoi se opozita është në misionin e saj më të rëndësishëm që nga themelimi, për të përmbysur shtetin mafioz, sundimin e mafies të kryesuar sipas tij nga kryeministri Edi Rama.

Kjo është një mbledhje ku ne marrim vendime për Bashkinë e Kukësit, por gjithashtu kjo mbledhje shënon startin e një përpjekjeje të madhe për analizën, ndërgjegjësimin e shqiptarëve për farsën elektorale 2023 si dhe qëndrimet që duhet të mbajmë ndaj kësaj farse, më e shëmtuara në historinë e pluralizmit politik shqiptar.

Në Shqipëri, del e qartë si kristali se opozita është në misionin më të rëndësishëm të saj që nga themelimi. Mision me të cilin ajo duhet të përmbysë këtë shtet mafioz, këtë sundim të mafies, të kryesuar nga Edi Rama, i cili nuk asnjë lloj interesi tjetër qytetar, kombëtar, shoqëror, civil, përveç pasurimit të tij të çmendur dhe klanit të tij.

Edi Rama është i vendosur të sakrifikojë çdo ligj, çdo parim, çdo normë, çdo marrëdhënie, në mënyrë që të konsolidojë pushtetin e tij, të vazhdojë pushtetin e tij.

Zbulimet e fundit të shërbimeve inteligjente franceze, belge, holandeze dhe britanike, dëshmojnë këtu se shoqëria shqiptare e tëra noton mbi krimin, drogën dhe se në Shqipëri, vendimmarrës absolut është krimi.

Vendimmarrës që po rrënon më shumë se çdo luftë ka rrënuar një vend, më shumë se çdo luftë ka rrënuar një shoqëri.

Në revanshin e tij, krimi i organizuar kapi zyrtarisht me mandat parlamentar drejtimin e ministrisë së presupozuar të antikrimit.

Kështu që detyra e opozitës është të bindë çdo anëtar dhe mbështetës të saj të ngrihet në protesta që qëndrueshme, të mos ulim kokën.

T’i shtrish qafën krimit, do të thotë të të presë kokën. Dhe këtë shqiptarët nuk duhet ta bëjnë kurrë. Këta janë kriminelë që duhet të largohen një minutë e më parë nga pushteti.

Këta nuk respektojnë asnjë rregull, asnjë normë, asnjë parim, asnjë ligj. Këta kanë shndërruar pasuritë e vendit në pasuri personale të klaneve dhe familjeve të tyre.

Këta ua kanë marrë shqiptarëve të dhënat personale dhe ia kanë dorëzuar krimit me Taulant Ballën”, është shprehur Berisha./ CNA

Lajmet e fundit nga