web counter
LEXO PA REKLAMA!

SHKARKO APP

App Store
Google Play

E fundit!

x

“Shoqëria, në prag të vetëvrasjes për shkak të krimit”/ Berisha: Miku i ngushtë i Ramës, baroni i drogës

23 Gusht 2023, 11:39, Politikë CNA

“Shoqëria, në prag të vetëvrasjes për shkak

Ish-kryeministri Sali Berisha ka ngritur shqetësimin duke deklaruar se shoqëria shqiptare është në prag të vetëvrasjes për shkak të krimit.

Berisha nënvizon se krimi ka kapur gjithçka dhe ka arritur deri në nivele kryeministri.

“Koha provoi që pas 10 vitesh për shkak të përhapjes së tmerrshme të ortakërisë së ngushtë shoqëria shqiptare ndodhet në prag të një vetëvrasjeje për shkak të krimit.

Sot vendimmarrësi absolut në këtë vend është krimi. Krimi sot, i lartësuar në pushtet në nivel kryeministri, është i aftë të kalojë në parlament çdo ligj, është i aftë të marrë çdo vendim, është i aftë të përcaktojë çdo tender, është i aftë të përcaktojë çdo emërim, është i aftë të nxjerë çdo leje dhe licencë është i aftë të eliminojë cdo kundërshtar. Sot shqiptarët si kurrë në historinë e tyre që kur është themeluar shteti, fëmijët e tyre, qenia e tyre, ekonomia e tyre, fati i tyre është i tëri në duart e tyre”, tha Berisha.

Më tej, ish-kryeministri foli për biznesmenin, duke thënë se miku i ngushtë i Ramës është baroni i drogës dhe vrasës.  

“Nëse marrim Pëllumb Gjokën, baronin e drogës dhe të vrasjes, mikun e ngushtë të Ramës, nuk kanë kapur telefonatën që bënin me Denis dhe Behar Bajrin, por vrau për të marrë 300 mijë metra katrorë tokë në Velipojë shkelmoi gjykatën për të marrë pronën.

Pëllumb Gjoka është bosi i krimit të organizuar, ka më të fuqishëm se Pëllumb Gjokën dhe vetë Rama është në krye.

Pëllumb Gjoka merr titullin, shpërblimin e investitorit strategjik. Shoqëria shqiptare duhet të reagojë përndryshe është në vetëvrasje”, ka deklaruar Berisha./ CNA





Lajmet e fundit nga