web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet në Kukës/ Agron Duka: Nevoja për një model të ri administratori lokal

18 Gusht 2023, 10:17, Politikë CNA

Zgjedhjet në Kukës/ Agron Duka: Nevoja për një model të

Kreu i PAA, Agron Duka, ka folur për zgjedhjet që do të mbahen në Kukës në 24 shtator, për kreun e ri të bashkisë pas shkarkimit të Safet Gjicit.

Duka thekson se ndoshta zgjedhjet në Kukës nuk kanë ndodnjë rëndësi të madhe, por kanë rëndësi për modelin e administratorit lokal që do të ofrojnë partitë.

Kryetari i PAA ka nënvizuar se qytetarëve nuk u duhet një njeri me para dhe i përlyer në korrupsion, por një njerë i ndershëm që përfaqëson denjësisht qytetarët.

“Zgjedhjet për Bashkinë e Kukësit, që do të mbahen më 24 shtator, në aspektin politik nuk kanë ndonjë rëndësi të madhe, pasi socialistët e kontrollojnë thuajse në tërësi pushtetin vendor. Megjithatë, ne si PAA mendojmë se këto zgjedhje kanë rëndësi për modelin e administratorit lokal që do të ofrojnë partitë.

Pikërisht për këtë arsye ne si PAA jemi duke diskutuar që të ofrojmë një model alternativ për qytetarët kuksianë.

Jo një njeri të pasur, që të garantojë votën me çdo kusht e me çdo çmim!

Jo një njeri me mbështetje të madhe politike në Tiranës, që të joshë qytetarët me pushtetin e tij personal!

Jo një njeri me hije korrupsioni dhe inkriminimi në karrierën e tij!

Por një njeri të ndershëm, përfaqësues dinjitoz të qytetarëve.

PAA siguroi 3 këshilltarë nga zgjedhjet e 14 majit në Bashkinë e Kukësit. Astrit Dobrushi ishte kryesuesi i listës. Ne jemi në kontakt me qytetarë të Kukësit dhe presim edhe mendimet e tyre nëse PAA mund të ketë kandidatin e vet në këto zgjedhje! “, shkruan Duka./ CNA





Lajmet e fundit nga