web counter
LEXO PA REKLAMA!

SHKARKO APP

App Store
Google Play

E fundit!

x

Mediat italiane i kërkojnë intervista/ Rama: U “çmend” shtypi matanë Adriatikut

13 Gusht 2023, 10:34, Politikë CNA
Mediat italiane i kërkojnë intervista/ Rama: U
Kryeministri Edi Rama

Gjatë ditëve të fundit, kryeministri Edi Rama ka dhënë intervista të njëpasnjëshme për mediat italiane, të cilat janë të interesuara për rritjen e turizmit në Shqipëri dhe për çështjet politike.

Edhe ditën e sotme kreu i qeverisë ka folur për një tjetër media të shtetit fqinj. Këtë intervistë Rama e ka shpërndarë në rrjetet e tij sociale, ku deklaron se shtypi italian është “çmendur” pas Shqipërisë bujare.

Ai shprehet se kërkesat nga matanë Adriatikut nuk pushojnë, pasi italianët po dynden mbi brigjet tona.

“Këto ditë më kujtojnë kohën kur pasi çuam infermierët tanë në Itali, shtypi italian u “çmend” pas Shqipërisë bujare dhe nuk pushonin kërkesat për intervista nga gazeta, televizione, radio matanë Adriatikut!

Lavdi Zotit dhe falë punës këmbëngulëse të nisur nga bishti i kavallit të Europës, kur askush nuk na kishte në hesap përveçse për të na treguar me gisht, me vend e pavend, si një vend i zymtë trafiqesh e kriminaliteti, sot ky interesim nuk lidhet më me anën tragjike, po me një anë të bukur të jetës, kënaqësinë që Shqipëria e Rilindur Turistike u ofron pushuesve nga e tërë Europa, ku italianët janë ndër më të ekzaltuarit dhe po dynden mbi brigjet tona në numra që po t’i parathoshe vetëm disa vjet më parë do të të merrnin për të çmendur”, shkruan Rama./ CNA

Mediat italiane i kërkojnë intervista/ Rama: U





Lajmet e fundit nga