web counter
LEXO PA REKLAMA!

SHKARKO APP

App Store
Google Play

"Debati për kullën, i stisur"/ Veliaj: Sherr mes dy copave të PD-së

12 Gusht 2023, 16:05, Politikë CNA
"Debati për kullën, i stisur"/ Veliaj: Sherr mes dy copave
Kryetari i Bashkisë së Tiranës, Erion Veliaj

Kryetari i Bashkisë së Tiranës, Erion Veliaj, ka reaguar lidhur me debatin për ndërtimin e kullës “Mali i Tiranës” pas Teatrit Kombëtar të Operas dhe Baletit.

Veliaj tha në një dalje televizive se debati për kullën është i stisur, pasi theksoi se konkursi është transmetuar live.

“Sot është shumë më e vështirë të marrësh vendim për të shpronësuar 20 mijë m2, që kushton 20 mln euro; i bie t’i heqësh qytetit investimet për një 1 ose 2 vite. Kjo nuk qëndron. Për sqarim, zona që ishte dhënë për ndërtim në gropën e Hajdin Sejdisë, mirëmbahej nga Bashkia e Tiranës për efekt estetik, derisa të kishte një vendimmarrje tjetër. Unë kam qenë anëtar në konkursin për studion fituese të kullës dhe të gjitha personazhet që sot shfaqen të shokuar, e kanë pasur ne transmetim live në transparencë totale.

Grupi danez ishte aq impresionues dhe kishin bërë me aq pasion, dhe kishin aq detaje, fabulës së asaj ndërtese, saqë juria u impresionua dhe vendosi unanimisht. Kjo vendimmarrje ndodhi live në televizion. Në mars u dha leja nga Këshilli Kombëtar, por edhe kjo ishte publike. Menjëherë pasi mbaron mbledhja, botohen në fletoren zyrtare, botohen online. Pra, të thuash që këta zbuluan diçka në gusht, është krejtësisht patetike”, u shpreh ai.

Kryebashkiaku i Tiranës ngriti aludimet se pas këtij debati të stisur qëndrojnë dy copat e Partisë Demokratike.

“Ajo që në fakt ndodhi është se në korrik rikonfirmohet një segment i Partisë Demokratike në detyrë, që është PD-ja e vulës dhe fillon sherrin e brendshëm me PD-në e Saliut, në qoftë se mund ta quaj kështu. Kështu që, është një sherr mes dy copave të PD-së sepse ata mendojnë se si në kohë të tyre, ku çdo gjë bëhej me gjobëvënie, ku çdo gjë bëhej për të copëtuar dhe për të trajtuar qytetin si plaçkë, ata mendojnë se kështu bëjnë të gjithë.

Duke qenë se Saliu vriste vete, ai mendon që të gjithë njerëzit vrasin, siç ndodhi në 21 janar. Duhet qenë se Gërdeci ishte planifikuar nga i biri i tij paraprakisht, edhe gjithçka që ndodhi aty, përfshirë dhe rastin fatkeq të hedhjes në erë të 26 vetave, ai mendon se kështu i bëjnë të gjithë njerëzit planet. Pra në Partinë Demokratike problemi dhe sherri brenda llojit sepse ata besojnë dhe mendojnë që të gjithë shqiptarët funksionojnë kështu. Por nuk është kështu! Ndodhi në mënyrë transparencë”, theksoi Veliaj./ CNA





Lajmet e fundit nga