E fundit!

13:19 Aktualitet

Braho “shuplakë” politikës: Më vjen mirë që SPAK është i papëlqyer nga të dyja kahet

Kreu i SPAK, Klodjan Braho i ka dhënë një shuplakë politik...

“‘Armiqësia’ e pandalur e qeverisë me fshatin dhe fermerët”/ Sula: Do taksojë edhe kasollet

10 Gusht 2023, 19:16, Politikë CNA

“‘Armiqësia’ e pandalur e qeverisë me fshatin dhe

Deputeti demokrat, Dashnor Sula ka reaguar me tone të ashpra ndaj Qeverisë, për ligjin e rritjes së taksës së pasurive të paluajtshme.

Me anë të një statusi në rrjetet sociale, Sula tha se me ligjin e hedhur për diskutim publik do të taksohen edhe kasollet.

Ai thekson se Qeveria po hyn në armiqësi me fshatin dhe fermerët, të ciëve kërkon t’i marrë sa më shumë para.

Sipas tij, këto para do t’i jepen atyre që aplikojnë te IPARDI për bujqësinë dhe do të bëhen beton në bregdetin e jugut.

Statusi i plotë:

"Armiqësia" e pandalur e qeverisë me fshatin dhe fermerët, do taksojë edhe kasollet.

Inflacioni për muajin Korrik të këtij viti ra, duke shkuar në nivelet e para nisjes së luftës në Ukrainë. Kjo do të thotë që në treg ka një balancë mes produkteve dhe dhe nevojës për të blerë nga qytetarët.

Por çmimet në Shqipëri nuk ranë siç do ta kërkonte logjika e tregut.

- Gama e produkteve që mbajnë flamurin e nivelit të çmimeve më të larta në Shqipëri sipas INSTAT, janë qumështi dhe nënproduktet e tij dhe vezët, me 13.6%.

Fal kontributit të përvitshëm të qeverisë, numri krerëve të lopëve dhe të imtave ka ardhur në rënie. Mungesa e mbështetjes së qeverisë për fermerët vendas dhe stimulimi i produkteve te importit ka bërë që fermerët ta braktisin fshatin dhe tani një kg djathë të kushtojë sa një kg kanabis që është ilegal.

Pasi pa këto te dhëna nga INSTAT, qeveria u angazhua dhe mori masa për tu ardhur në ndihmë blegtorëve.

- Masa ishte që këtyre oligarkëve (fermerëve) që janë pasuruar shumë, shteti tu marrë edhe taksën e pasurisë për kasollet ku strehohen lopët e delet. Ky është vizioni dhe zgjidhja e kësaj qeverie për të stimuluar fermerët.

- Por jo vetëm kaq, me vendimin e qeverisë, ndryshohen edhe çmimet e referencës që taksa e pasurisë për kasollet të jetë sa më e lartë.

- Të marrim sa më shumë para nga këta fermerët që e shkatërruan Shqipërinë dhe t’ja japim paratë atyre që aplikojnë te IPARDI për bujqësinë, por lekët i bëjnë beton në bregdetin e jugut. Dhe këtyre të fundit u heqim edhe taksat dhe ulim edhe dividentin./ CNA.al