web counter
LEXO PA REKLAMA!

SHKARKO APP

App Store
Google Play

Basha kujtohet për bujqësinë/ Reagon për pezullimin e fondeve nga BE-ja 3 javë me vonesë

9 Gusht 2023, 15:41, Politikë CNA

Basha kujtohet për bujqësinë/ Reagon për pezullimin e

Më datë 19 korrik lajmi se BE-ja ka pezulluar fondet për bujqësinë në Shqipëri mori dhenë, duke u bërë zhvillimi më i përfolur për ditë me radhë, por duket se gjatë asaj kohe kreu i PD-së së vulës, Lulzim Basha, ka qenë i përgjumur dhe nuk i ka kushtuar rëndësi.

Mbas 3 javësh duket se Luli është bërë më i kthjellët dhe ka reaguar për këtë ndodhi.

Përmes një postimi në rrjetet sociale, Basha shkruan se vendimi i Brukselit për pezullimin e granteve të programit IPARD tregon sipas tij makutërinë e kësaj qeverie, që abuzon me fondet e BE-së.

Po ashtu, lideri i turmave imagjinare, është shprehur se PD-ja e vulës do të kërkojë ngritjen e një Komisioni Hetimor Parlamentar në lidhje me këtë çështje.

“Nuk është hera e parë që propagandës dhe retorikës shtinjake i del boja. Kur arritjet imagjinare ndeshen me faktet, duket qartë se e vetmja gjë që ka ndërtuar Edi Rama është një shtet i të korruptuarve.

Kështu ka ndodhur me mega-aferën e Inceneratorëve, kështu po ndodh me fondet e Bashkimit Europian për bujqësinë.

Vendimi i Brukselit për pezullimin e granteve të programit IPARD tregon makutërinë e kësaj qeverie, që abuzon edhe me fondet e BE-së, duke lënë në mëshirë të fatit fermerët e ndershëm të këtij vendi, për të favorizuar klientët e zakonshëm që me këto fonde ndërtojnë vila në komplekset luksoze të bregdetit.

Për këtë skandal që nxiu faqen e Shqipërisë përpara partnerëve europianë dhe që pengon rrugëtimin tonë drejt BE-së, Partia Demokratike do të kërkojë ngritjen e një Komisioni Hetimor Parlamentar për të zbardhur shpërdorimin e fondeve për bujqësinë dhe për të garantuar transparencën që qytetarët meritojnë.

Lufta e pakompromis ndaj korrupsionit dhe fundi i pandëshkueshmërisë në nivelet e larta të politikës janë prioritete të Partisë Demokratike, arritja e të cilave garanton ndryshimin që shqiptarët presin.”-shkruan Basha./CNA





Lajmet e fundit nga