LEXO PA REKLAMA!

SHKARKO APP

Balla: Duhet ndëshkim ekzemplar për ndërtimet pa leje

15 Gusht 2023, 18:04, Politikë CNA

Balla: Duhet ndëshkim ekzemplar për ndërtimet pa leje

Policia ka proceduar penalisht 3 persona për 3 raste të ndërtimeve pa leje në Ksamil dhe në Sarandë.

Për këtë operacion të policisë ka reaguar ministri i Brendshëm, Taulant Balla. Me anë të një statusi në rrjetet sociale, Balla thotë se ndërtimet pa leje duhet të vendosin këdo në alarma.

Ai thekson se për raste të tilla duhet ndëshkim ekzemplar dhe rikthim të menjëhershëm në gjendjen e mëparshme.

“Ta mbrojmë me çdo kusht Sarandën, “Maldivet e Europës” nga çdo formë e krimit mjedisor. Të mos lejojmë që gabimet e së shkuarës të përsëriten më kurrë. Ai ndërtim pa leje që u shfaq dy ditë më parë duhet të na vendosë të gjithëve në alarm. Si ka mundësi?! Duhet ndëshkim ekzemplar dhe rikthim të menjëhershëm në gjendjen e mëparshme. Dua një rol të ri të institucionit të Prefektit dhe Nënprefektit në territor dhe shumë shpejt do të çojmë në Kuvend ndryshimet ligjore për këtë qëllim. Duhet që ju të koordinoni task-forcat kundër fenomenit të zjarr-vënies”, shkruan Balla./ CNA

Lajmet e fundit nga