LEXO PA REKLAMA!

SHKARKO APP

Basha “lëshon” zëdhënësen e tij/ “Qahet” te SPAK-u për ndërtimin e kullës

14 Gusht 2023, 14:42, Politikë CNA
Basha “lëshon” zëdhënësen e tij/
Lulzim Basha

Lulzim Basha ka lëshuar zëdhënësen e tij, Mirela Karabinën, për t'u qarë sërish për ndërtimin e kullës pas Teatrit të Operës dhe Baletit, (TOB).

Karabina ka kërkuar që SPAK-u të nisë hetimet për të nxjerrë të vërtetën mbi këtë investim.

Partia Demokratike ka dorëzuar javën e kaluar në SPAK një kërkesë për të hetuar lidhur me financimet e kullës pas Teatrit të Operës dhe Baletit (TOB).

Të gjitha raportet ndërkombëtare vitet e fundit e përshkruajnë sektorin e ndërtimeve në Tiranë si lavatriçen e madhe të parave të krimit të organizuar.

Nuk është e rastësishme që një kompani në dukje modeste ka marrë pjesën e luanit në ndërtimet që janë bërë pjesë dhe po zhvillohen në kryeqytet.

Partia Demokratike i kërkon edhe njëherë SPAK që të nisë hetimet për të nxjerrë të vërtetën mbi këtë investim gjigant, por dhe për të tjera anekënd kryeqytetit.

Dhe në këtë betejë kundër korrupsionit, Partia Demokratike mbështet pa asnjë rezervë hetimin nga SPAK-u të ndërtimeve me paratë e pista të krimit dhe korrupsionit në hallkat kryesore të qeverisjes.

“Ndiq paranë” është skema më e mirë për të demontuar paratë e pista me të cilat financohen ndërtimet, politika, blerja e votës e shumë shërbime të tjera që tashmë janë në dispozicion të Qeverisë Rama.

Ndaj, Vetting në politikë dhe miratimi i një pakete agresive kundër krimit dhe korrupsionit të politikanëve të lartë, dënimi i tyre për korrupsion dhe sekuestrimi i pasurive është domosdoshmëri jetike për fatet e zhvillimit të vendit.

Zbardhja dhe çuarja para përgjegjësisë e ideatorëve dhe zbatuesve të skemave të pastrimit të parave është një shërbim i madh që u bëhet qytetarëve shqiptarë”, ka thënë ajo në deklaratën e saj për mediat./ CNA

Lajmet e fundit nga