web counter
LEXO PA REKLAMA!

SHKARKO APP

App Store
Google Play

U kap me ekstazi/ Lëvizja Vetëvendosje përjashton zyrtarin Besnik Mujeci

15 Gusht 2023, 17:18, Politikë CNA
U kap me ekstazi/ Lëvizja Vetëvendosje përjashton zyrtarin Besnik
Zyrtari i Lëvizjes Vetëvendosje, Besnik Mujeci

Zyrtari i Lëvizjes Vetëvendosje, Besnik Mujeci, i cili u kap me disa persona me mbi 11 mijë doza ekstazi në Shqipëri, është përjashtuar nga partia.

Lajmin e ka bërë të ditur Alim Rama, sekretari organizativ i Lëvizjes Vetëvendosje.

Ai njofton se ky vendim është marrë me 5 vota unanime në mbledhjen Komisionit Disiplinor.

“Pas marrjes së informacionit për arrestimin e asambleistit të Komunës së Prishtinës nga radhët e subjektit tonë, Komisionin Disiplinor i LVV menjëherë ka trajtuar këtë rast.

Si rrjedhojë Komisioni Disiplinor i Lëvizjes Vetëvendosje! në mbledhjen të mbajtur sot me 15.08.2023 me vota unanime të 5 anëtarëve mori vendim për përjashtimin e anëtarit Besnik Mujeci nga anëtarësia dhe të gjitha strukturat e Lëvizjes Vetëvendosje!

Lëvizja Vetëvendosje! mbetet e përkushtuar që dukuritë e tilla të dënueshme dhe kundërligjshme, janë absolutisht të patolerueshme dhe do të luftohen e ndëshkohen”, thekson Alim Rama.

Kujtojmë se Policia e Tiranës arrestoi 5 persona pas një aksioni antidrogë, ku u sekuestruan mbi 11 mijë doza ekstazie që kapnin vlerën e 400 mijë eurove.

Mes të arrestuarve është edhe Besnik Mujeci, Këshilltari komunal i Prishtinës nga radhët e Lëvizjes Vetëvendosja./ CNA





Lajmet e fundit nga