Grekët, në protestën për Belerin/ Shpëtim Idrizi: Erdhën si krushq pinjollët e Napolon Zervës

15 Gusht 2023, 16:27, Politikë CNA

Grekët, në protestën për Belerin/ Shpëtim Idrizi:

Kryetari i Partisë për Drejtësi, Integrim dhe Unitet, Shpëtim Idrizi, ka reaguar për protestën dhe këmbënguljen e Greqisë që të lirohet nga qelia Fredi Beleri, kryebashkiaku i zgjedhur i Himarës.

Me anë të një statusi në rrjetet sociale, Idrizi thotë se protestuesit dje kërcënuan me integrimin e Shqipërisë dhe helenizimin e jugut.

Ai deklaron se dishepujt e Napolon Zervas, të dalë nga zgafellat e Luftës së Dytë Botërore, që kërkuan lirimin e Belerit, nuk kanë asnjë lidhje me popullin e Himarës apo me ata që ndihen minoritet grek.

Kreu i PDIU-së thekson se Napolon Zerva ishte krimineli që në krye të paramilitarëve grekë në periudhën Qershor 1944 - Mars 1945, masakroi 20% të popullsisë dhe përzuri e spastroi etnikisht 90% të çamëve nga trojet e tyre.

Grekët, në protestën për Belerin/ Shpëtim Idrizi:

Deklarata e plotë:

Në Himarë erdhën si krushq, pinjollët e Napolon Zervës!

Në mes të gushtit në Himarë u kërcënua me integrimin e Shqipërisë dhe helenizimin e jugut!

Drejtësia e harruar për Çamërinë, është drejtësi e munguar!

Protestës së organizuar për t’i kërkuar drejtësisë shqiptare lirimin e Belerit, ju bashkuan të ardhur nga Greqia dhe një grumbull dishepujsh të Napolon Zervas të dalë nga zgafellat e Luftës së Dytë Botërore, që s’kanë asnjë lidhje me popullin e Himarës apo me ata që ndjehen minoritet grek.

Në mes të zhegut të Gushtit kërcënuan Shqipërinë me duart e forta të integrimit dhe jugun e Shqipërisë me helenizim.

Kësaj skote naconaliste të verber greke i printe kryetari i bashkisë së Athinës, Bakojanis dhe kryetari i bashkisë së Selanikut Kostandinos Zervas dhe sigurisht s’mund të mungonte dhe "dhuleja" i Greqisë, Vangjel Dule që me zërin e hollë kërcënonte që:

“Ju nuk dini me kë po ngatarroheni”?!

Grekët, në protestën për Belerin/ Shpëtim Idrizi:

Banorët e Himarës mund të kenë plotësisht të drejtë që të jenë të pakënaqur me punën e Goros.

Ata që ja u bënë peshqesh Fredi Belerin nuk e vunë për të zgjidhur hallet e problemet e tyre, por si “kryedash” për helenizim e jugut dhe nxitjen e tensioneve ndër etnike në Himarë.

Prandaj ju erdhën si krushq, pinjollët e Napolon Zervës.

Kyetari i bashkisë së Athines, Bakojanis i cili ka inaguruar në Athinë, Muzeun e Luftës dhe shtëpinë e Kriminelit që masakroi e përzuri shqiptarët e Çamërisë nga trojet e tyre. (Foto 1- 2)

Kryetari i bashkisë së Selanikut, Kostandin Zervas që në biografinë e tij shkruan:

“babai im ishte njeri i afërt i Napolon Zervas dhe që gjyshi i tij ishte nga Korca e Vorio Epirit”?!!! (Foto 3)

Për të gjithë ata që "se dinë";

Napolon Zerva ishte krimineli që në krye të paramilitarëve grekë në periudhën Qershor 1944 - Mars 1945, bëri Gjenocodin më të tmerrshëm në histori ku masakroi 20 % të popullsisë dhe përzuri e spastroi etnikisht 90 % të çamëve nga trojet e tyre.

Grekët, në protestën për Belerin/ Shpëtim Idrizi: