LEXO PA REKLAMA!

SHKARKO APP

Veliaj, i zhytur në aferën e inceneratorit/ Shehaj: Është pikë suporti i kontratës koncesionare

16 Gusht 2023, 21:38, Politikë CNA
Veliaj, i zhytur në aferën e inceneratorit/ Shehaj: Është
Ekspertja e ekonomisë, Brisida Shehaj

Ekspertja e ekonomisë, Brisida Shehaj ka zbërthyer dokumentet e bëra publike në media për inceneratorin e Tiranës, që mbajnë firmën e kryebashkiakut Erion Veliaj.

Shehaj tha se Veliaj ka marrë angazhimin që të jetë një pikë suporti e kontratës koncensionare të inceneratorit të Tiranës, të asistojë, të ndihmojë që nga lejet, licencat që i duhen, shpronësimet dhe gjithçka që përmban procesi.

Ajo theksoi në një intervistë me Armela Ferkon se dokumentet tregojnë që Veliaj ka firmosur edhe aneksin e angazhimit 30-vjeçar.

“Këto tabela, angazhimi që është kryesori i firmosur tregon që ai zotëri nuk ka marrë angazhimin vetëm financiar për të paguar paratë, por ka marrë angazhimin që të jetë dhe një pikë suporti e kësaj kontrate koncensionare të asistojë, të ndihmojë që nga lejet, licencat që i duhen, shpronësimet dhe gjithçka përmban ai procesi për funksionimin e asaj kontrate koncensionare.

Shkresa e Damian Gjiknurit na tregon që ky zotëria ka qenë ai që ka pasur detyrën kryesore sepse ai nuk e ka kundërshtuar shkresën e Gjiknurit, por mbas asaj shkrese, Erion Veliaj ka firmosur aneksin e angazhimit 30-vjeçar që është aneksi ligjor, pjesë përbërëse integrale e kontratës konçensionare. Më pas do dërgojë dhe nenin e kontratës që e tregon këtë gjë.

SPAK-u e ka shumë të thjeshtë. Duhet të shohë procedurën që ka ndjekur Erion Veliaj.

SPAK-u duhet të marrë procedurën e Bashkisë Tiranë, duhet të marrë edhe procedurën e Kavajës që është bërë në vitin 2021 dhe aty duhet të kuptojë fare qartë që Erion Veliaj ishte i detyruar që këtë aneks kontrate ta kalonte me këshill bashkiak, por është ajo që tha zoti Berisha sot që do i duhej një shumicë e cilësuar prej 3/5 për të kaluar një vendim të tillë sepse është një vendim që për 30 vjet duhet të kenë kaluar disa kryetar bashkie që do ta zbatojnë atë gjë, sepse 4 vite është një mandate”, nënvizoi ekspertja e ekonomisë./ CNA

Lajmet e fundit nga