E fundit!

12:16 Aktualitet

SPAK kërkon 98 vite burg për Durim Bamin, Aldo Avdylin dhe 5 të tjerë

Prokuroria e Posaçme ka dhënë pretencën për disa nga të pa...

"Sterilizimi, vjedhja e dytë më e madhe pas inceneratorëve"/ Xhaferri: SPAK t'i shkojë deri në rrënjë

18 Gusht 2023, 16:22, Politikë CNA

"Sterilizimi, vjedhja e dytë më e madhe pas

Kryetari i Forumit Rinor të Partisë Demokratike, Besart Xhaferri

Kryetari i Forumit Rinor të Partisë Demokratike, Besart Xhaferri, ka reaguar për arrestimet me urdhër të SPAK për koncesionin e sterilizimit.

Me anë të një statusi në rrjetet sociale, Xhaferri thotë se sterilizimi dhe aferat në shëndetësi janë vjedhja e dytë më e madhe pas inceneratorëve.

SPAK njoftim zyrtar për 8 urdhër arrestet për koncesionin e sterilizimit
17 Gusht, 12:47

Ai i kërkon SPAK të shkojë te rrënjët e aferës dhe jo të gjethet e saj. Kreu i FRPD-së thekson se SPAK duhet të hetojë kryeministrin Edi Rama, pasi pretendon se krimet dhe korrupsionet janë vepër e tij.

Deklarata e plotë:

Sterilizimi, Rama nuk mund jetë steril për SPAK!

"Sterilizimi, vjedhja e dytë më e madhe pas

Tenderat korruptiv në shëndetësi prej 2013 kanë kryer gjenocid në financat publike e për fat të keq në jetët e shqiptarëve, por nëse “Check-Up”-i nxori burrat me barrë nuk mundet që sterilizimi të nxjerrë Ramën steril nga kjo aferë.

As në vendet e Afrikës veriore nuk ndodh që një firmë ndërtimi e regjistruar në Itali me vetëm një punëtor, të fitojë një tender 100 milionë euro në një sektor jetik siç është shëndetësia pa bekimin e Kryeministrit të vendit.

Sterilizimi dhe aferat në shëndetësi janë vjedhja e dytë me e madhe pas inceneratorëve, dhe SPAK duhet të shkojë tek rrënjët dhe jo gjethet që po bien pa ardhur ende vjeshta.

Çfarë është kontrata e sterilizimit me vlerë 100 milionë euro?
17 Gusht, 11:39

Sot Rama foli me superlativa për SPAK si të ishte përfaqësues i Bashkimit Evropian që nuk e lidh asgjë me Shqipërinë, kur në fakt në pranga dhe para drejtësisë po dalin të besuarit e tij, që as frymë nuk marrin pa i marrë më parë leje atij, e jo më të hanin dardha pas shpinës së tij.

Dosjet kriminale dhe korruptive që po hetohen nga drejtësia shqiptare dhe ajo ndërkombëtare, së pari kanë faktuar lidhjen e pashmangshme krim-mazhorancë-autoritete ligjzbatuese në dëm të qytetarit shqiptar dhe krijimi i këtij narkoshteti është vepër e artistit Edi Rama.

Nëse Rama është i paprekshëm për SPAK, atëherë drejtësia e re ka dështuar dhe shqiptarët duhet të marrin në duar fatet e të ardhmes së fëmijëve të tyre./ CNA