E fundit!

08:49 Aktualitet

25 ditë protesta/ Rama mbledh drejtuesit politikë në qarqe dhe kryebashkiakët

Kryeministri Edi Rama, do të zhvillojë sot dy takime të rë...

Kush e stisi "malin e shpifjeve" për kullat në Tiranë?

18 Gusht 2023, 12:52, Politikë CNA

Ish-kryeministri Sali Berisha ka mohuar edhe një herë në mënyrë kategorike se i biri Shkëlzen Berisha të ketë lidhje me ndonjë kullë të ndërtuar në Tiranë.

Ish-kryeministri, pranoi pasionin e tij për të akuzuar kryeministrin Edi Rama, por për malin e shpifjeve ndaj tij dhe të birit e drejtoi gishtin nga treshja Veliaj, Basha dhe Balla.

Berisha deklaroi para gazetarëve se kurrë nuk ka pranuar të ndërtohen kulla në Tiranë gjatë kohës që ai ka qenë në krye të qeverisë.

Deklarata e Sali Berishës:

Me Lulzim Bravën ka aleancë aq sa mund të ketë me Taulant Ballën. Kjo është përgjigjja ime.

Demokratët duhet të bashkohen, por Brava dhe Alibasha janë pengje mjerane të keqpëdorura të Edi Ramës.

A e patë se si u ndez një sherr i tmerrshëm brenda PS-së për shkak të keqpërdorimit që i bëri për një moment, Veliaj, Bashës.

E konstatuat ju. E morët vesh ju se si ndërtuan një mal shpifjesh të pashembullt në histori për lidhjet e mia me kullat, njeriu që nuk dha gjithë jetën e tij, refuzoi të japë një leje për një kullë.

Projektet e kullave nuk janë të tanishme, e kanë origjinën në vitin 2001, 2003 e me radhë, por ato nuk kalonin se unë kisha koncept tjetër për qytetin.

Në planin urbanistik të Tiranës, të miratuar në vitin 2013, nuk ekzistonte asnjë ndërtesë mbi 6 deri 8 kate. Ky ishte koncepti im. Nuk jam kundër arkitekturës qiellore, por ato duhet të kenë vende të caktuara dhe rregulla të caktuara.

Një kullë shkatërron jetën e një zone të tërë me dendësinë e popullatës që krijon ato.

Ushtria e gjobëvënësve nxori se unë paskam lidhje me investitorët dhe ndërtuesit, unë u them këtu shqiptarëve se as Agim Zeqo, as Ilir Shtufi nuk ka dhënë një qindarkë të vetme për Foltoren.

Kur kam qenë kryeministër, nuk kanë pasur kurrë një favor nga unë dhe nuk e kanë kërkuar kurrë.

Sot, njërit i kanë hequr akcizën për bullin energjetik, tjetri ka me dhjetëra tenderë nga Erion Veliaj e me radhë.

U ndala në këtë se këta që ngritën malin e shpifjeve, dhe e vërteta është që mali i shpifjeve sado që unë, ju e kuptoni pasionin tim për të akuzuar Edi Ramën, por në këtë rast ishte Veliaj-Balla-Brava që e stisën këtë.

Im bir nuk ka asnjë lidhje, kategorikisht me asnjë kullë. E thashë se nuk kam dhënë dhe nuk do jepja kurrë leje për kullë në Tiranë.

Kjo që bëhet është një batërdi, kjo është një shëmti dhe jam unë që i kam çuar në mënyrë të përsëritur, le që thonë këta se këtyre memorien ua përcakton gjoba, jam unë që i kam quajtur kullat, monumente të shëmtuara të krimit dhe drogës.

Jam unë që i kam quajtur këto.