web counter
LEXO PA REKLAMA!

SHKARKO APP

App Store
Google Play

E fundit!

x

Berisha dhe Baze, akuza njëri-tjetrit/ “Ymer Çorapja më kërkonte t’i kaloja mallra pa doganë”

18 Gusht 2023, 18:20, Politikë CNA
Berisha dhe Baze, akuza njëri-tjetrit/ “Ymer Çorapja më
Ish-kryeministri Sali Berisha dhe gazetari Mero Baze

Ish-kryeministri Sali Berisha foli këtë të premte për ndërtimin e kullës “Mali i Tiranës”.

Ai deklaroi se ndërtuesit e kullës, Agim Zeqo dhe Ilir Shtufi nuk kanë dhënë asnjë qindarkë për PD-në.

Por gazetari Mero Baze iu kundërpërgjigj me akuza. Ai ngriti pretendimet se Agim Zeqo i ka paguar Berishës një ndërhyrje mjekësore në Vjenë.

"Sali mos u nxito me Agim Zeqon se e ke zakon që thua nuk di ç'bën djali pastaj. Shiko kush ta ka paguar ndërhyrjen në klinikë në Vjenë. Jo për gjë por ai se mban dot nderin pa e treguar gjithandej", shkruan me ironi Mero Baze në “Facebook”.

Për këtë akuzë ka ardhur një reagim nga Berisha, i cili thotë se gazetari është një shpifës që kohë më parë i kërkonte që t’i kalonte mallra pa doganë.

Më tej, ish-kryeministri mohon që Agim Zeqo apo ndonjë biznesmen tjetër të ketë paguar para për kujdesin e tij shëndetësor.

“Sot, shpifësi i paguar Ymer Çorapja, të cilin e kam larguar se më ngjitej si baltë në këpucë për të kaluar mallra pa doganë etj., lëshoi shpifjen e ulët të rradhës. Sipas tij, biznesmeni Agim Zeqo më paska paguar shpenzime mjekimi në Vjenë.

Lidhur me këtë shpifje të tij amorale, sqaroj se kurrë Agim Zeqo dhe asnjë biznesmen tjetër, shqiptar apo i huaj, nuk ka paguar ndonjëherë një qindarkë të vetme për kujdesin tim shëndetësor në Shqipëri dhe në asnjë vend tjetër në botë”, thekson Berisha./ CNA





Lajmet e fundit nga