LEXO PA REKLAMA!

SHKARKO APP

Laboratorë shkencorë tek "Andon Zako Çajupi”, ministrja e Arsimit: Me standarde të larta, po i përshtatemi teknologjisë

26 Gusht 2023, 15:53, Politikë CNA
Laboratorë shkencorë tek  "Andon Zako Çajupi”,
Ministrja Evis Kushi

Ministrja e Arsimit, Evis Kushi gjatë një inspektimi në gjimnazin "Andon Zako Çajupi”, në kryeqytet u shpreh se janë gati laboratorët e rinj të shkencave me standarde të larta, të financuara nga qeveria shqiptare. 

"Jemi përfitues të investimeve që Ministria e Arsimit ka bërë për laboratorët, kimi, fizikë dhe biologji, ju jeni një ndër përfituesit. Mungesa e këtyre laboratorëve ka qenë shqetësim në disa shkolla. Kemi sjellë laboratorë që kanë standarde të larta, për t'ju përshtatur edhe më shumë ndryshimeve teknologjike", u shpreh ministrja. 

Kushi nënvizoi se laboratorët janë vendosur për një proces mësimor sa më cilësor. Sipas saj kjo është një periudhë shumë e rëndësishme që në shtator nxënësit të gjejnë një mjedis sa më cilësor për të studiuar. 

"Është shumë e rëndësishme që nxënësit ta shikojnë me sy që ato që mësojnë në teori", u shpreh Kushi gjatë prezantimit të laboratorëve nga mësuesit e gjimnazit./ CNA 

 

 

Lajmet e fundit nga