web counter
LEXO PA REKLAMA!

SHKARKO APP

App Store
Google Play

KQZ: Një votë, 81 lekë/ PS merr pjesën më të madhe, Meta triumfon ndaj Bashës me votat e Berishës

24 Gusht 2023, 16:55, Politikë CNA

KQZ: Një votë, 81 lekë/ PS merr pjesën më të

Komisioneri Shtetëror i Zgjedhjeve gjatë mbledhjes së ditës së sotme ka miratuar çmimin e një vote.

Sipas përllogaritjeve u bë me dije se vlera e një vote është 81 lekë, e cila do të shërbejë si indikator mbi mbështetjen financiare që do të marrin partitë në zgjedhjet e ardhshme.

Përllogaritja do të bëhet duke pjesëtuar fondin e përgjithshëm të miratuar me numrin në total të votave të vlefshme të grumbulluara nga partitë politike pjesëmarrëse në zgjedhje, që kanë marrë jo më pak se 1 përqind të votave.

Sipas llogaritjes pjesën më të madhe të fondit do ta marrë Partia Socialiste, si fituesja e zgjedhjve me rreth 580 mijë vota. 

Llogaritë nuk dalin mirë për PD-në e vulës të cilës Komisioni i vuri në dispozicion 25 milionë lekë të rinj që duhet t’i përdorte në fushatë.

PD e vulës në zgjedhjet e 14 Majit mori rreth 103 mijë vota dhe sipas llogaritje fondi që do të përfitojë në garën e ardhshme zgjedhore është  8.4 milionë lekë duke u renditur e treta si subjekt. 

E dyta për fondin e përfituar renditet Partia e Lirisë, e cila ishte subjekti kryesor i koalicionit “Bashkë Fitojmë” që ka përfituar nga votat e marra nga Sali Berisha.

E treta ashtu siç theksuam më lart do të jetë PD e vulës dhe e katërta PSD e Tom Doshit./ CNA





Lajmet e fundit nga