LEXO PA REKLAMA!

SHKARKO APP

Rama paralajmëron ndryshimet në qeveri

23 Gusht 2023, 17:46, Politikë CNA

Rama paralajmëron ndryshimet në qeveri

Kryeministri Edi Rama në një dalje publike sot së bashku më zëvendëskryeministren dhe ministren e Infrastrukturës, zonjën Belinda Balluku, ka dhënë një lajm që ai shpesh e quan një ngjarje të madhe të Shqipërisë të cilën e përmend prej disa vitesh, e cila ka të bëjë me shpimet që po bën kompania Shell në Shpirag.

Sipas kryeministrit është vendosur që të ketë një fond sovran, shumë taksa, do të paguajë kompania. Ministrja theksoi me detaje cilat do të ishin të ardhurat, ka taksime deri në 50% .

Rama paralajmëron ndryshimet në qeveri
Balluku dhe Rama në konferencë për shtyp

U theksua se do të ketë më shumë fonde për pensionet, për shkollat, arsimin. Por duhen pritur dhe pak muaj testet e fundit për shkak të zbulimit të plotë të rezervës , thellësisë së saj, shpimeve që vazhdojnë edhe kështu me radhë.

Ky ishte një lajm i mire, po gazetarët si gjithmonë nuk janë stepur.  Ata kanë drejtuar tri pyetje direkte: një në lidhje me inceneratorët, të dytën në lidhje me sterilizimin dhe e treta në lidhje me ndryshimet në qeveri.

Të dyja të parave, zoti kryeministër iu shmang edhe pse theksoi gjatë konferencës së tij të shtypit se, ka pasur korrupsion me kontratën koncesionare.

Në fakt sterilizimi dhe inceneratorët janë dy kontratat më famëkeqe të koncesioneve në Shqipëri. Por ka dhe të tjera që ende nuk kanë përfunduar hetimet nga SPAK.

Nga ana tjetër ato ndryshojnë nga njëra-tjetra pasi sterilizimi jepte një shërbim të shkëlqyer dhe kjo nuk mund të mohohet, por akuza është për vlerën e madhe dhe koston që kishte.

Ndërsa inceneratorët janë një vjedhje e madhe, ku në fakt ishin fshehur skenartisti Klodian Zoto dhe regjisori Mirel Mërtiri.

Gazetarët gjithashtu pyetjen e tretë e kanë patur drejtpërdrejt për ndryshimet në qeveri, pra a do të ketë ndryshime brenda gushtit, a do të bëhen në shtator ku Rama ka thirrur Kongresin e Partisë apo do të vazhdohet me të njëjtën qeveri dhe të njëjtët ministra.

Kryeministri ka paralajmëruar shpesh në daljet e tij se do të ketë ndryshime në qeveri. Ai bëri një takim të gjerë në Tepelenë ku u panë shumë zëvendësministra.

Rama paralajmëron ndryshimet në qeveri

Të njëtën situatë përdori dhe në dhjetor të vitit të kaluar për buxhetin e vitit pasardhës, projektet që diskutoi me kabinetin e tij , duke krijuar tryeza të ngushta diskutimesh, por nga ana tjetër ende nuk ka konfirmuar largime megjithëse ka patur dhe incidente brenda kabinetit qeveritar, siç ishte ai i ministres së Financave , e cila u shkarkua dhe u rikthye në detyrë thjesht dhe vetëm për të qëndruar dhe disa javë deri në ndryshimet e plota në qeveri.


CNA e ka të konfirmuar nga burime zyrtare se do të ketë ndryshime në qeveri. Kryeministri e miratoi atë me heshtjen e tij ku tha se, së shpejti do të ketë një konferencë të gjerë për shtyp dhe mund të pyesin gazetarët edhe për këto çështjet që ata ishin të shqetësuar, por Rama ka shpesh në strategjitë e tij t’i japë vëmendje çështjes që ai kërkon.

Kryeministri nuk mund të lejonte që vëmendja që ai kërkonte të shkonte tek emrat që do ikin apo atyre që do vijnë në qeveri.

Ata duhen kur sërish të kemi zhurma e skandale të tjera pas hetimeve të SPAK apo inceneratorëve që po djegin tashmë qeverinë./ CNA

 

Lajmet e fundit nga