LEXO PA REKLAMA!

SHKARKO APP

Skandali i inceneratorëve/ Veliaj, “fshesë” në Bashkinë e Tiranës

29 Gusht 2023, 15:51, Politikë CNA
Skandali i inceneratorëve/ Veliaj, “fshesë” në
Bashkia e Tiranës

Një denoncim i fortë është bërë këtë pasdite nga ish-deputeti i Partisë Demokratike dhe ish-kandidati për kryetar në Bashkinë e Tiranës, Belind Këlliçi.

Me anë të një statusi në rrjetet sociale, Këlliçi deklaron se kryebashkiaku Erion Veliaj ka shkarkuar një sërë drejtuesish të Bashkisë Tiranë.

Ai paralajmëron se Veliaj do të kryejë edhe të tjera shkarkime. Sipas tij, këto ndryshime në bashki vijnë si rrjedhojë e fakteve që janë denoncuar për aferën e inceneratorëve.

“Laku po shtrëngohet! Nga burime të sigurta, sot janë flakur një sërë drejtuesish të Bashkisë Tiranë dhe ndërkohë po përgatitet fshesa e radhës. Sado që banditi në krye të Bashkisë Tiranë tenton të shesë bashkëpunëtorët e tij me të cilët ka vjedhur këto 8 vite qytetarët e Tiranës, ai nuk ka shpëtim.

Zbardhja der në fund e aferës së Inceneratorit fantazëm të Tiranës, do të jetë përgjigja më e mirë për Erion Veliajn. Firma e tij e hedhur pa asnjë vendim të Këshillit Bashkiak, e cila ndërroi fatin e koncensionit 30 vjeçar në landfillin e Sharrës dhe firma e tij në aneks kontratën e cila i hapi rrugën nisjes së pagesave, janë fakte të pamohueshme nga asnjë prokuror.

SPAK duhet t’i shkojë der në fund vjedhjes së shekullit”, shkruan ish-deputeti./ CNA

Skandali i inceneratorëve/ Veliaj, “fshesë” në

Skandali i inceneratorëve/ Veliaj, “fshesë” në

Lajmet e fundit nga