LEXO PA REKLAMA!

SHKARKO APP

Malaj rrëfen historinë/ Si Fatos Nano refuzoi të arratisej nga burgu, roli i Ngjelës dhe Bashkim Finos

1 Shtator 2023, 16:25, Politikë CNA
Malaj rrëfen historinë/ Si Fatos Nano refuzoi të arratisej nga
Ish-kryeministrat Fatos Nano dhe Bashkim Fino

Ish-ministri socialist i Financave, Arben Malaj, ka folur këtë të premte për ish-kryeministrin Fatos Nano, i cili ndodhet në spital për shkak të problemeve me mushkëritë.

Malaj u rikthye pas në kohë dhe kujtoi momentin kur Nano ndodhej në burg me akuzën për korrupsion dhe abuzim detyre nga gjykata, në vitet 1992-1997.

Ai tregoi se asokohe ish-kryeministrit i rrezikohej jeta, por nuk pranoi të arratisej.

Ish-ministri rrëfeu se për të nxjerrë Nanon nga burgu luajtën një rol të rëndësishëm avokati Spartak Ngjela dhe ish-kryeministri Bashkim Fino, të cilët bindën Sali Berishën të bënte një amnisti.

Duhet të vlerësoj që Ngjela ka një kontribut të jashtëzakonshëm, sepse Nano rrezikohej seriozisht në burg. Nano dërgoi mesazhin që nuk do iki nga burgu nëse nuk marr amnisti. Realisht marrja e Nanos nga burgu për ta çuar drejt shtëpisë është sqaruar shumë mirë nga grupi i RENEA-s, gjendja ishte jashtë kontrollit… ishte një këmbëngulje e tij e panegocieshme për të mos u arratisur. Në këtë rast Bashkim Fino dhe Spartak Ngjela bindën Berishën për amnisti.

Momenti më i vështirë ka qenë shtatori i ’98, pas vrasjes së Azem Hajdarit. Kërkohej ‘koka’ e Nanos, dhe ne vendosëm që duhej të ikte nga selia e kryeministrisë dhe ne do vazhdonim ‘luftën’ aty. Garda kishte rënë, ne kishim merak, dhe këshilla ka qenë të mos ketë të vrarë në protesta popullore, dhe kjo bëri që ata të futen në kryeministri”, deklaroi Malaj në një intervistë me Ola Brukon./ CNA

Lajmet e fundit nga