E fundit!

17:12 Kosova & Bota

Deputeti shqiptar në Parlamentin e Serbisë: Do të inicioj kërkesën për shkarkimin e ministres Paunoviç

Deputeti shqiptar në Parlamentin e Serbisë, Shaip Kamberi ...

Berisha ia numëron një për një Ramës/ Nga çështja "Beleri", refuzimi i Athinës dhe diskutimet me Kurtin

1 Shtator 2023, 10:33, Politikë CNA

Berisha ia numëron një për një Ramës/ Nga

Ish-kryeministri Sali Berisha

Ish-kryeministri Sali Berisha, në mbledhjen e grupit parlamentar të PD-së, ka përsëritur qëndrimet e tij kundër kryeministri Edi Rama në lidhje me ngjarjet e ndodhura së fundi duke nisur nga refzuimi që iu bë në Athinë numrit një të qeverisë e deri te diskutimet me Albin Kurtin për situatën në veri të Kosovës.

Berisha e ka quajtur Ramën turpin e Shqipërisë dhe shqiptarëve.

Gjithashtu nuk la pa përmendur çështjen "Beleri" duke u shprehur se kryebashkiaku i zgjedhur i Himarës është një i burgosur politik dhe se Rama po pret që të përfundojë afati 90-ditor që atij t’i digjet mandati.

"Vera e nxori lakuriq Edi Ramën. Ishte një verë në rrafshin rajonal ku ai u paraqit siç është, një gangster, një gangster i vërtetë që nuk respekton asnjë normë, asnjë parim. Por kjo verë i preu biletën atij. Mjafton të rikujtoj këtu qëndrimet e tij ndaj Kosovës, antikombëtare, antishqiptare, por qëndrime që shkelin çdo kod në marrëdhëniet e fqinjësisë mes dy vendeve.

U vërsul i pari me tërbim duke i vendosur Kosovës sanksione dhe mendoi se Albin Kurtit i erdhi fundi dhe të organizojë funeralin politik. Mori atë që meritonte, mori turpin dhe shpërfilljen gjer në asgjësim. Organizoi turin Ballkanik, turin e vetëposhtërimit, turin e merituar të vetëposhtërimit. U përpoq të zëvendësonte Lajçakun dhe Eskobarin dhe të dilte tani ky si ndërmjetësues ndërkombëtar për zgjidhjen e problemeve.

Hartoi një draft me ekspert të shquar për problemin më nevralgjik që është çështja e asocasionit, por edhe drafti edhe përpjekja përfundoi në koshin e humorit, talljes dhe përçmimit që meritonte.

Edi Rama është turpi i Shqipërisë, turpi i shqiptarëve. Çdo ditë që kalon është një mbulim turpi për ne. Është i vetmi kryeministër në rajon që nuk pranohet nga dy kryeministra të vendeve fqinj, që refuzohet në mënyrën më të merituar. Ai nuk ka më një minutë të qetë në shpirtin e tij, sepse është i zbërthyer tani totalisht, i lidhur këmbë e krye me krimin, drogën, vjedhjen.

Nuk u prit në Athinë, se takimi ishte për një deklaratë historike, e cila përbën dokumentin legal, të perspektivës së vendeve të rajonit me kusht që t'u përmbahen vlerave evropiane. Ky i shkelmon ato. Thotë se policia ime e pavaruar dhe drejtësia ime e pavaruar më thonë këto gjëra.

Mban në burg Belerin vetëm që të mos betohet si kreu i Bashkisë së Himarës.Të besosh nacionalizmin e Ramës është të besosh turpin", ka thënë Berisha. / CNA