web counter
LEXO PA REKLAMA!

SHKARKO APP

App Store
Google Play

E fundit!

x

“Nuk mund ta tolerojmë më”/ Berisha paralajmëron sërish protesta kundër Ramës

1 Shtator 2023, 14:03, Politikë CNA

“Nuk mund ta tolerojmë më”/ Berisha paralajmëron

Ish-kryeministri Sali Berisha gjatë takimit me koordinatorët politikë ka folur dhe njëherë për zgjedhjet e 14 majit, të cilat i quan një farsë.

Sipas ish-kryeministrit zgjidhja për të shpëtuar nga vjedhjet që bën qeveria Rama janë protestat e përgjithshme.

Ai ka paralajmëruar se do të ketë protesta të vazhdueshme deri në rrëzimin e qeverisë Rama.

“Zgjidhja është protesta. Protesta e përgjithshme derisa të rrëzojmë këtë qeveri. Rama i vodhi zgjedhjet dhe këto të tjerat i vjedh tri herë më shumë. Çdo shqiptar duhet ta kuptojë se nuk kemi rrugë tjetër përveç përballjes me të. Në pushtet me forcë nuk vijmë kurrë, por me Edi Ramën zgjedhje nuk kemi.

Zgjidhja është protesta. Protesta e përgjithshme derisa të rrëzojmë këtë qeveri. Me qëllimin e vetëm për të kthyer të drejtën e votës për shqiptarët. Për të rikthyer zbatimin e kodit zgjedhor.

Qytetarëve ua kemi borxh këtë bisedë. Çdo demokrati ia kemi borxh. Jo për të justifikuar dobësitë dhe të metat tona. Por për të qenë të vërtetë.

Ne themi se ky zgjedhje nuk bën, por ne zgjedhje të lira meritojmë. Të votojmë si vëllezërit tanë në Kosovë. Siç votojnë shqiptarët në Maqedoni. Nuk po kërkojmë si në Gjermani, Francë apo Zvicër. Si në Mal të Zi. Jemi përpara një farse që kurrë një komb i qytetëruar nuk mund ta tolerojë më”, ka thënë Berisha./ CNA





Lajmet e fundit nga