LEXO PA REKLAMA!

SHKARKO APP

Bardhi, i gatshëm për bashkëpunim me Berishën / “Nuk ka arsye pse të mos ndërtojmë një aksion të përbashkët”

1 Shtator 2023, 13:01, Politikë CNA
Bardhi, i gatshëm për bashkëpunim me Berishën / “Nuk
Deputeti Gazment Bardhi

Deputeti Gazment Bardhi duket se nuk e ka përjashtuar mundësinë e bashkëpunimit me ish-kryeministrin Sali Berisha për aksionin opozitar në sesionin e ri parlamentar.  

I pyetur nga gazetarët se a ka shanse për unifikim të grupeve parlamentare të PD-së, Bardhi tha se nuk ka arsye pse opozita të mos jetë e gjitha bashkë në sallë dhe nuk ka arsye pse të mos ndërtohet një aksion i përbashkët.

Gjithashtu theksoi se opozita duhet të ketë një listë prioritetesh.

Siç thashë, Asambleja e PS-së nuk është shqetësim i qytetarëve e as problemet brenda grupit të opozitës nuk do të duhet të kthehen në një shqetësim për qytetarët. Shqipëria edhe në këtë moment kur korrupsioni ka dalë sheshit, do duhet që opozita të jetë e unifikuar, një trup i vetëm përballë Edi Ramës. Kjo ka qenë përpjekja ime, do bëjmë gjithçka të shkojmë drejt kësaj rruge.

Opozita mund të jetë e ndarë në shumë çështje, por nuk ka asnjë arsye të jetë e paunifikuar në parlament me qeverinë e korruptuar të Edi Ramës.

Regjistrimin secili deputet e bën në nisje të legjislaturës së re të Kuvendit, nuk ka një riregjistrim, secili deputet është regjistruar në grupet parlamentare përkatëse, s’ka arsye pse të mos jemi të gjithë në një sallë dhe të ndërtojmë një aksion të përbashkët, ka qenë qëndrim i kahershëm imi dhe kolegëve të mi.

 Opozita duhet të ketë një listë prioritetesh”, është shprehur Bardhi pas daljes nga mbledhja e konferencës së kryetarëve./CNA

 

Lajmet e fundit nga