web counter
LEXO PA REKLAMA!

SHKARKO APP

App Store
Google Play

Nis shpërndarja e teksteve shkollore falas/ Kushi: Përfitojnë rreth 242 mijë nxënës

1 Shtator 2023, 17:47, Politikë CNA
Nis shpërndarja e teksteve shkollore falas/ Kushi: Përfitojnë
Ministrja e Arsimit, Evis Kushi

Në prag të nisjes së vitit të ri shkollor, ministrja e Arsimit, Evis Kushi njoftoi se ka nisur tërheqja teksteve shkollore nga nxënësit.

Ajo bëri të ditur se përfitues të teksteve falas janë rreth 242 mijë nxënës në të gjithë Shqipërinë.

Kushi tha se 71 mijë nxënës, nga klasa e parë në të tretën do përfitojnë tekste falas me një përdorim, pa pasur detyrimin për t’i kthyer në fundvit.

“Rreth 242 mijë nxënës në të gjithë Shqipërinë përfitojnë këtë vit tekste shkollore falas, të cilat kanë nisur t'i tërheqin që sot në të gjitha shkollat e vendit apo pikat e distributorëve.

71 mijë prej tyre që janë nxënës nga klasa e parë në të tretën do t'i përfitojnë tekstet falas me një përdorim, pa patur detyrimin që t'i kthejnë ato në fund të vitit shkollor.

Nga shkolla “Osman Myderizi” uroj të gjithë nxënësit dhe mësuesit për një fillim sa më të mbarë të vitit të ri shkollor”, shkruan ministrja./ CNA





Lajmet e fundit nga