LEXO PA REKLAMA!

SHKARKO APP

Korreshi zbulon prapaskenat/ “Në korrik ka pasur dakordësi për bashkim mes dy grupeve në PD”

1 Shtator 2023, 21:35, Politikë CNA
Korreshi zbulon prapaskenat/ “Në korrik ka pasur dakordësi
Deputeti Saimir Korreshi

Deputeti Saimir Korreshi ka zbuluar prapaskenat në Partinë Demokratike, teksa ka komentuar deklaratën e ish-kryeministrit Sali Berisha për negociatat me Gazment Bardhin për bashkim.

Korreshi tha në një dalje televizive se në korrik ka pasur një dakordësi mes dy grupeve të PD-së, pavarësisht se mendojnë ndryshe përsa i përket lidershipit.

Ai deklaroi se arsyeja që i ka bërë të diskutojnë për bashkim është se të dyja grupet kanë armik kryesor kryeministrin Edi Rama.

Mendoj dhe gjykoj se me lëvizjet e sotme në PD mendoj se do kemi një sezon parlamentar të vrullshëm ashtu siç mbaroi korriku. Po të kujtoni, në korrik ka pasur një dakordësi ose ndryshe një gjatësi vale mes dy kampeve ose ndryshe mes dy grupeve që mendojnë ndryshe.

Mendoj dhe e njëjta gjë po vijon dhe ka vijuar gjatë gjithë kohës, kemi qenë më shumë kolegë që mendojnë ndryshe përsa i përket lidershipit, por asnjëherë nuk kemi dyshuar kë kemi armik kryesor, Edi Ramën dhe se si skandali mbulon skandalin nga dita në ditë.

Është bërë një batërdi, ndërkohë që njerëzit presin një opozitë që të shkulë karrigen e Parlamentit, ku nuk ndalojnë denocimet, ku t’i japin mundësi shprehjes dhe të ketë një alternativë për 2025.

Mendoj dhe gjykoj se nëse do kemi një fillim sezoni si fundi korrikut mendoj se kjo qeveri nuk do i ketë ditët e gjata, ajo dita ditës po i shkurton vetë ditët me skandalet, të cilët nuk di kë të denoncosh më përpara.

Kjo qeveri e kalbur ka përfituar nga situata e brendshme brenda Paritisë Demokratike sepse të gjithë njerëzit sot duhet të ishin në këmbë për faktin se gjithë taksat e tyre janë vjedhur dhe janë futur taksat e tyre.

Në burg sot duhet të ishte Edi Rama por dhe ministrat dhe jo zëvendës ministrat dhe rojet e derës. Ndaj mendoj dhe gjykoj se ky është qëllimi i kësaj opozite, kundërshtari ynë është i qartë dhe është Edi Rama dhe kjo qeveri e kalbur e tij”, theksoi Korreshi./ CNA

Lajmet e fundit nga