Lëvizjet qesharake të Bashës/ Si gënjen për mandatin e kryeministrit dhe kryetarit të partisë

3 Shtator 2023, 11:23, Politikë CNA

Lëvizjet qesharake të Bashës/ Si gënjen për mandatin e

Lulzim Basha

Lulzim Basha u rikthye disa muaj më parë, duke theksuar se do të ishte mjaft aktiv në politikë.

Ai mori drejtimin e PD-së së vulës përmes debatesh e konfliktesh, duke e dërguar grupin parlamentar në vetëm 9 apo 10 veta dhe duke u braktisur edhe nga bashkëpunëtorët të tij më të ngushtë.

Tashmë i vetmuar, Lulzim Basha thirri një Kuvend që nuk dihet sa anëtarë e delegatë kishte, kush i zgjodhi dhe nga erdhën.

Një Kuvend ku përjashtoi 500 mijë vota, pra të gjithë kandidatët që kishte pasur Partia Demokratike në zgjedhjet e fundit, të gjithë anëtarët e këshillave dhe të gjithë ata që kishin mbushur kutitë me votat kundër Qeverisë.

Çudia në Kuvendin e Lulit/ Basha përjashton 500 mijë vota
2 Shtator, 18:03

Gjithashtu, u tall edhe me të pranishmit në sallë. Luli vazhdon me kërkesën se mandati i kryeministrit duhet të jetë i kufizuar, pra duhet të kemi kryeministër të kufizuar me 2 mandate.

Por, që t’ia kërkosh kundërshtarit këtë gjë, duhet të japësh edhe argumentet ligjore, politike e kështu me radhë.

Në fakt, Luli ka 10 vjet që vetëm humb dhe nuk ikën, pse duhet të ikë kryeministri dhe duhet t’i kufizohet mandati kur ai fiton.

Lulzim Basha dje e hoqi nga statusi i PD-së zyrtare, asaj të vulës, nenin në statut, që detyronte kryetarin të dorëhiqet pas humbjes.

Ndjesat e Lulit që zgjatin pushtetin e Edi Ramës
2 Shtator, 13:13

Çdo kryetar partie, minimalisht pas humbjes në një palë zgjedhje, duhet të dorëhiqet. Mund edhe të rivotohet, por në mandatin tjetër ai duhet të largohet në mënyrë të parevokueshme, duhet të jetë i detyruar.

Çfarë duhet të bëjë më shumë sesa të çojë një forcë politike në humbje të njëpasnjëshme, për çfarë duhet të jetë kryetar partie?

Luli do të jetë përgjithmonë kryetar partie, por kryeministrin e do me mandat të kufizuar sepse ai mendon se duke ndenjur në krye të PD-së, edhe pasi të humbë 5 herë apo 7 herë, në një moment, pasi të ikë Rama me mandat të kufizuar do t’i vijë radha Lulit.

Luli nuk e kupton që atij radha nuk ka për t’i ardhur kurrë, as me kufizime mandatesh të kryeministrit dhe as me heqjen e neneve që detyrojnë kryetarin e partisë të japë dorëheqjen.

A doni më prova për Lulzim Bashën?
2 Shtator, 16:14

Luli nuk ka për t’u bërë kurrë kryeministër sepse kjo nuk varet sa kufizohet ose jo mandati i kryeministrit, kjo varet sa i besuar je në opinionin publik dhe sa të mbështesin qytetarët.

Lulin as nuk e kanë dashur, as nuk e kanë mbështetur dhe në zgjedhjet e ardhshme, me apo pa logon e PD-së së vulës, do të jetë edhe më keq, do të ngelet edhe pa ata 9 deputetë që ka me vete, pasi asnjë prej tyre nuk do të marrin mandate.

Për më tepër, as Lulzim Basha nuk ka për të fituar.

Prandaj, historia me heqje nenesh që detyrojnë kryetarin e partisë të japë dorëheqjen dhe vendosje kufizimi për mandatin e kryeministrit është një histori e një sharlatani politik, që si papagall përsërit të njëjtat kërkesa, të cilat në fakt ndryshe i artikulon dhe ndryshe vepron brenda PD-së./ CNA