web counter
LEXO PA REKLAMA!

SHKARKO APP

App Store
Google Play

E fundit!

x

Çudia në Kuvendin e Lulit/ Basha përjashton 500 mijë vota

2 Shtator 2023, 18:00, Politikë CNA

Çudia në Kuvendin e Lulit/ Basha përjashton 500 mijë vota

Në kuvendin e Lulzim Bashës dihej që do të kishte “spektakël”, gënjeshtara, mashtrime,  lotë krokodili e të tjera si këto. Por askush nuk e besonte se Lulzim Basha me shkopin e tij magjik mund të përjashtojë 500 mijë vota nga PD-ja dhe të pretendojë se forca që ai drejton do të bëhet më e madhe më e bashkuar e do të vijë një ditë në pushtet.

Luli i ngelur me 9 deputet apo 10 bashkë me veten e tij ka marrë një akt të paprecedent e të padëgjuar më parë. Ai në një kuvend krejtësisht jostatutor, me emra fiktivë, me njerëz të servirur nga administrate e pushtetit ka theksuar se janë përjashtuar nga Partia Demokratike dhe nuk do të jenë më anëtarë të gjithë ata që kanë garuar si kandidatë për Bashkitë apo për Këshillat nën sigla të tjera në zgjedhjet e fundit

Pra Luli i cili nuk mundi të plotësonte dot numrin prej 61 kandidatësh në të gjithë Shqipërinë ka përjashtuar kandidatatët për kryetar Bashkie disa në detyrë, kandidatat për Këshilla, disa të zgjedhur, në të gjithë Shqipërinë, të cilat kanë mbushur kutitë me 500 mijë vota të jenë jashtë PD-së.

Pra Luli do të vijë në pushtet pa 500 mijë vota por me vullnetin e tij dhe me forcën e madhe që nuk gjeti dot 61 kandidatë dhe nuk plotësoi dot listat e këshilltarëve në të gjithë vendin pa folur më pas për votat që mblodhi duke vjedhur siglën e PD-së, duke i’a rrëmbyer shumicës së demokratëve vulën e partisë dhe duke shkuar e bashkëpunuar për ti shërbyer kandidatëve socialist, që nga i pari Erion Veliaj në Tiranë e deri tek më i fundit.

Ndodh kjo çudi që është e padëgjuar në historinë politike botërore që kryetari i partisë përjashton nga forca politike që pretendon se është shumicë (në fakt është pakicë) njerëzit që sjellin 500 mijë vota dhe kërkon të vijë në pushtet.

Duket që dikush e quan çudi, dikush nuk çuditet fare nga budadallaqet e Lulzim Bashës sepse të gjithë janë tashmë të bindur që Luli nuk ka hall të vijë në pushtet e ato 500 mijë vota ti bashkohen e ti bëhen 1 milion por ka hall të mbajë një parcel të tij me 3 apo 5 vetë ku vetë të jetë Kryetar, Sekretar i Përgjithshëm, anëtar, deputet, vetë kreu i Këshillit Kombëtar deri tek kunati i kunatit.

I pazëvendësueshmi ka ngelur Jemin Xhana e nja 3 a 4 koka të tjera që vijnë vërdallë kot dhe radhën tjetër nuk do të mund të bëhen dot as deputet. Thjshtë dhe vetëm janë tranzitorët e çudive të Lulit që përjashtojnë të gjithë partinë dhe 500 mijë vota  për të mbajtur një karrige dhe një vulë për interesat e biznesit dhe ortakërisë së Bashës me Edi Ramën./ CNA





Lajmet e fundit nga