web counter
LEXO PA REKLAMA!

SHKARKO APP

App Store
Google Play

E fundit!

x

Moralistët që kthehen tek Luli

2 Shtator 2023, 13:56, Politikë CNA
Moralistët që kthehen tek Luli
Lulzim Basha

Sot, Lulzim Basha, njeriu i pakicës së pakicës brenda PD-së ka mbledhur atë që e quan Kuvendi Kombëtar dhe CNA ka mundur të sigurojë foto të disa individëve që kanë qenë kritikë ndaj Lulzim Bashës dhe e kanë akuzuar për korrupsion, për lidhje me pushtetin dhe kryeministrin Rama si dhe për moszbatim të statutit dhe rregullave të PD-së.

Shumë flasin për parime konservatore, që ka qenë disa prej tyre nga kritikët e vonuar të Lulzim Bashës, pasi kritikat e tij filluan pas vitit 2017, pasi Lulzim Basha nuk u dha poste të rëndësishme në PD, apo ti bënte deputet.

Kjo është psh foto ilusturuese e një njeriu që e ka kritikuar Bashën për 6 vite dhe sot shkon tek Kongresi i Lulzim Bashës, tek Kuvendi që e quan Luli.

Moralistët që kthehen tek Luli
Edvin Kulluri

Në fakt duket si ato kuvendet e të shkuarës ku Luli fliste dhe të gjithë e duartrokisnin se kishte në krah doktorin ndërsa tani Luli flet dhe duartrokasin Janë të njëjtë që e kritikonin Lulin, se nuk e respektonte statusin dhe ishte i paaftë e shkatërrimtat, por ja që kanë ende shpresë.

Ata e dinë, që Lulzim Basha do të jetë kryetar, sekretar i përgjithshëm, nënkryetar, kryetar grupi, 25 mijë herë antar, roje selie, shofer i vetes, vulë, madje edhe kunat i kunatit.
Por vetem një gjë nuk zëvendëson dot Lulzim Basha: Jeminin me solemnitetin e tij serioz. Moralistët venë e vijnë.

Por a ka moral në këtë pjesë politike?

A mundet që dikush, i cili e ka kritikuar Bashën për 1001 bëma dhe gjëma tashmë shkon me veshët e ulur tek Luli dhe pret t’i japin kockën e radhës.

Moralistët që kthehen tek Luli

Shkojnë për të kërkuar një kockë dhe pastaj kërkojnë dhe bëjnë moral. A mundet të ketë moral në këtë rast? Kur kockaxhinjtë duan të lëpihen sa tek Luli sa tek Berisha vetëm që të marrin një post.

Por për çfarë kanë vlerë kritikat e shumë viteve?

Ku shkuan të gjitha shënimet, shkrimet, qëndrimet, artikulimet publike kundër Lulzim Bashës, për të shkuar tek Luli, i cili po shkon tek Rama apo është instrument i Edi Ramës për t’i zgjatur këtij të fundit pushtetin?

I gjithë morali, gjithçka është thënë në këto vite, duket qartazi se tashmë ka marrë fund sepse ata që bënin moral kundër të korruptuarëve, pengmarrësve dhe moszbatuesve të statutit të PD, kanë shkuar në një Kuvend që është një farsë, antistatutor, tek një Lulzim Bashë që nuk ka parti dhe nuk ka marrë më shumë se 1500 vota në të gjithë Shqipërinë.

Pas një Lulzim Bashe që pasi e përçau PD-në nuk gjente dot 61 kandidatë për kryetarë bashkie. Kjo është partia e Bashës. Një sallë mund ta mbushësh me njerëz që punojnë tek kunati, me njerëz që kanë detyrime dhe mund të bësh një lëvizje politike, edhe të qëndrosh duke mbajtur peng logon e PD-së por të të mbajnë iso moralistët, të cilët ishin kundër Lulzim Bashës, sepse ai ishte në veprimet e tij antistatutor, ndërkohë që i shkojnë në sallë dhe e mbajnë me gajret.

Kjo nuk është për të qeshur, kjo është për t'u neveritur. Nuk kemi pse i qeshim ne, këta duhen neveritur sepse nuk i duhen më askujt.

Si janë dashur as Saliut, as Lulit nuk do t’i duhen, do t’i mbajë Luli, do t’i përdorë dhe pak dhe do t’i hedhë në kosh të plehrave siç ka hedhur të gjithë të tjerët./ CNA

 





Lajmet e fundit nga