“Tragji-komedia vazhdon”/ Kulluri: KQZ nuk mund të regjistrojë PD-në me atë letër bakalli

9 Mars 2023, 09:42, Politikë CNA

“Tragji-komedia vazhdon”/ Kulluri: KQZ nuk mund të

Ish-anëtari i Këshillit Kombëtar i PD-së, Edvin Kulluri

Ish-anëtari i Këshillit Kombëtar i PD-së, Edvin Kulluri, është shprehur se KQZ nuk mund të regjistrojë PD-në në zgjedhjet e 14 majit me letra bakalli.

Sipas Edvin Kullurit, në këto kushte, KQZ ose do ta regjistrojë partinë në emër të Lulzim Bashës ose nuk duhet ta regjistrojë fare.

Ndër të tjera Kulluri shkruan se kjo vjen si pasojë e mbështetjes që i është dhënë Lulzim Bashës në 2017, 2019 dhe 2021 nga shumica e deputetëve, kryesisë dhe këshillit kombëtar dhe ky është momenti që e gjithë opozita po vuan veprimet dhe vendimet e gabuara.

"KQZ sot do shqyrtojë kërkesën për regjistrim të PD në zgjedhjet e 14 majit! Në regjistrin e partive politike pranë Gjykatës së Shkallës së Parë Tiranë, kryetar i PD rezulton Lulzim Basha.

Ose KQZ do regjistrojë PD në emër të Bashës ose nuk duhet ta regjistrojë fare me atë letër bakalli që e quajnë 'autorizim' që s’ka as objekt, as afat e mbi të gjitha nuk mbështetet në Statutin e PDSH! C’ka do thotë se asnjëra palë nuk regjistrohet dot në zgjedhje!

Tragji-komedia vazhdon! Çmimi i mbështetjes që ju dha Bashës në 2017, 2019 dhe 2021 nga shumica e deputetëve, kryesisë dhe këshillit kombëtar po paguhet dhe do paguhet shtrenjtë! Krim pa ndëshkim nuk ka! Për këtë ta mbledhin mendjen mire e gjithe trupa drejtuese hipokrite e Partise Demokratike qe e cuan PD ne kete pike qe rrezikon shkrirjen reale qe i pret nga humbja e shtate elektorale qe nga 2013!

Asnjëherë nuk u reflektua për asnjë humbje që nga dita e parë e daljes në opozitë! Dhe ja ku janë! Në një vorbull groteske që ka lënë vendin pa opozitë por nën një vorbull gënjeshtrash, iluzionesh dhe pafuqie që e kane prodhuar vetë!

Mos te ishte per SHBA te gjithe keta “rebelet e 8 shtatorit” do ishin serish 'ne rresht per nje' pas Bashes se nuk duhej prishur 'uniteti i partise'! Tani pijini lengun! Partia u perca me keq se c’ishte ne 2017-2021, mbeshtetja ne sheshe ka rene ne menyre drastike dhe kutite e votimit do jene nje drame e paprecedente! E nderkohe 10 vjet iken e sa te tjere do ikin me kete mendesi nenshtrimi ndaj 'udheheqesit' pavaresisht si quhet Lulzim Basha apo Sali Berisha! Corben qe gatoi PD po e hane vete dhe po ja servirin gjithe popullit opozitar qe eshte me i madh se oborri i PD!", shkruan Kulluri./ CNA.al