web counter
LEXO PA REKLAMA!

SHKARKO APP

App Store
Google Play

E fundit!

x

“Qeveria merret me fasadat”/ Denoncon Këlliçi: Bashkia ka braktisur të moshuarit

8 Mars 2023, 22:00, Politikë CNA

“Qeveria merret me fasadat”/ Denoncon Këlliçi: Bashkia

Kandidati për bashkinë e Tiranës, Belind Këlliçi ka takuar një çift të moshuarish në Tiranë të cilët kanë treguar se si fëmijët e tyre janë larguar jashtë vendit dhe tashmë jetojnë të  vetëm.

Nëpërmjet një reagimi të tij në rrjete sociale  Këlliçi ka denoncuar neglizhencën e pushtetit local ndaj të moshuarve, të cilët ndihen të braktisur.

“Sot shkova t’ia uroj 8 marsin zonjës Viola Deliallisi, e cila jeton me të shoqin Mirush Deliallisi në rrugën "Fortuzi".  Fëmijët e saj, në mungesë të mundësive dhe kushteve dinjitoze të jetës, janë detyruar të emigrojnë. Brenga që kanë prej largësisë së fëmijëve të tyre rëndohet edhe më shumë nga kushtet e papërshtatshme të lagjes ku banojnë. Si shumë të moshuar të tjerë, ndihen të braktisur prej qeverisjes lokale, e cila merret me fasadat dhe eventet ndërkombëtare por nuk bën asnjë përpjekje për të dhënë shërbime apo për të zgjidhur problemet e tyre të përditshme.

Unë besoj se duhet të kemi një partneritet ndërmjet brezave dhe të tregojmë mirënjohje për kontributin e brezit të tretë.

Bashkia e Tiranës duhet të qeveriset ndryshe dhe të kujdeset në mënyrë të veçantë për të moshuarit, në mënyrë që ata të kenë një jetesë më të qetë, të sigurt dhe të bukur.

Shpërndajeni këtë postim nëse mendoni edhe ju se të moshuarit meritojnë më shumë kujdes e shërbime”, shkruan ai./CNA.al





Lajmet e fundit nga