E fundit!

15:57 Aktualitet

Shtyhet seanca e Metës në GJKKO/ Ja data e radhës

Seanca në themel në Gjykatën e Posaçme për kreun e Partisë...

Zbardhen takimet e Yuri Kim/ Porositë e ambasadores së SHBA për partitë politike

8 Mars 2023, 16:50, Politikë CNA

Zbardhen takimet e Yuri Kim/ Porositë e ambasadores së SHBA për

Ambasadorja e SHBA, Yuri Kim

Ambasada Amerikane ka zbardhur takimin e diplomates së SHBA, Yuri Kim me përfaqësues të partive politike në prag të fushatës zgjedhore.

Kim ka dhënë disa porosi për partitë politike, të cilat janë garantimi i zgjedhjes së lirë dhe në fshehtësi, garantimi i sigurisë së të dhënave personale, parandalimi i presioneve, hetimi i rasteve të blerjes së votës, ndëshkimi i shkeljeve dhe sigurimi i raportimit të mediave në mënyrë të pavarur.

Kujtojmë se Kim takoi sot Enkelejd Alibeajn, Damian Gjiknurin dhe Ilir Metën pë zgjedhjet lokale të 14 majit.

Zbardhen takimet e Yuri Kim/ Porositë e ambasadores së SHBA për

Deklarata e plotë:

Ndërsa Shqipëria përgatitet për zgjedhjet vendore të 14 majit, ambasadorja Kim u takua sot me drejtues të Partisë Socialiste, Partisë Demokratike dhe Partisë së Lirisë për të nënvizuar rëndësinë e zhvillimit të aktiviteteve në mënyrë të ndershme, transparente dhe të rregullt, në përputhje me ligjin shqiptar dhe standardet ndërkombëtare. Ajo iu kujtoi atyre vëzhgimet dhe rekomandimet e raporteve të mëparshme e ODIHR-it. Për shembull, në raportin përfundimtar për zgjedhjet parlamentare të prillit 2021, rekomandimet e ODIHR përfshinin si më poshtë:

• Shteti duhet të garantojë të drejtën për të zgjedhur lirisht dhe në fshehtësi. Çdo formë presioni për të zbuluar nëse dhe si kanë votuar njerëzit duhet të parandalohet.

Zbardhen takimet e Yuri Kim/ Porositë e ambasadores së SHBA për

• Agjencitë ligjzbatuese duhet të intensifikojnë përpjekjet për të identifikuar, hetuar dhe ndjekur penalisht rastet e blerjes së votës. Qytetarët duhet të nxiten të raportojnë dhe të japin fakte për çfarëdo blerje votash apo presioni.

• Shqipëria duhet të garantojë sigurinë e të dhënave personale të qytetarëve. Institucionet përkatëse duhet të hetojnë tërësisht dhe të ndëshkojnë çdo shkelje që ndikon në besimin e publikut në procesin zgjedhor.

• Legjislacioni duhet të ndryshohet për të siguruar që mediat të jenë në gjendje të mbulojnë në mënyrë të pavarur aktivitetet e konkurruesve në zgjedhje me synimin për të kufizuar përdorimin në lajme të materialeve të prodhuara nga partitë.

Zbardhen takimet e Yuri Kim/ Porositë e ambasadores së SHBA për

Drejtuesit e partive konfirmuan gjithashtu se do të shqyrtojnë kandidatët përkatës për t'u siguruar që ata përmbushin kërkesat e ligjit si dhe pritshmëritë e votuesve shqiptarë për kandidatë të pastër.

Shtetet e Bashkuara do të vazhdojnë të punojnë ngushtë me votuesit, autoritetet, partitë, shoqërinë civile, median dhe të tjerë në mbështetje të një procesi zgjedhor që pasqyron statusin e Shqipërisë si aleate në NATO dhe aspirante për t’u anëtarësuar në Bashkimin Evropian./ CNA.al