LEXO PA REKLAMA!

SHKARKO APP

Gazment Bardhi: Dorëheqja e Bashës është çështje e mbyllur, s’kthehet kurrsesi në krye të PD-së

8 Mars 2023, 15:45, Politikë CNA

Gazment Bardhi: Dorëheqja e Bashës është çështje

Deputeti Gazment Bardhi e cilëson si çështje të mbyllur dorëheqjen e Lulzim Bashës si kryetar të Partisë Demokratike.

Bardhi tha në një dalje për mediat se Basha nuk kthehet kurrsesi më në krye të PD-së.

“Dorëheqja e zotit Basha është një çështje e mbyllur. Nuk dërgohet në gjykatë, se aty dërgohet zgjedhja e kryetarit të ri, për të bërë ndryshimet respektive në regjistrin e partive politike.

Kurrsesi (nuk kthehet). Ama zoti Basha si çdo anëtar i PD-së e ka për detyrë të kontribuojë. Në dijeninë time është në Shqipëri, por kam disa ditë pa kontaktuar me të. Çdo anëtar duhet të kontribuojë për të maksimalizuar fitoren”, u shpreh ai.

Kujtojmë se CNA ka publikuar pak ditë më parë dokumentin që vërteton se Lulzim Basha nuk e ka dhënë zyrtarisht dorëheqjen.

Ndonëse ai deklaroi publikisht me figurë dhe me zë se do të largohet nga drejtimi i PD-së, zyrtarisht nuk e ka dhënë asnjëherë dorëheqjen./ CNA.al

Lajmet e fundit nga