web counter
LEXO PA REKLAMA!

SHKARKO APP

App Store
Google Play

Alimehmeti ngre akuza/ Përparësen dhe stetoskopin mjekët e blejnë me lekët e tyre

8 Mars 2023, 21:43, Politikë CNA

Alimehmeti ngre akuza/ Përparësen dhe stetoskopin mjekët e

Epidemiologu i njohur Ilir Alimehmeti ka folur në lidhje me largimin e mjekëve nga vendi, fenomin i cili sipas tij po vjen dhe po bëhet më shqetësues.

I ftuar në emisionin “Opinion”, ai u shpreh se pagesa, avancimi në karrierë dhe siguria janë shkaqet kryesore.

“Mjekët ikin për arsye të shumta. Nga institucionet nuk janë pyetur ndonjëherë pse ikin apo pse rrinë, për të rregulluar diçka. Në këtë tetor janë studentët e mjekësisë me organizmin e tyre që kanë bërë një anketim, dhe ka rezultuar se 92.5% duan të ikin. Nuk ka pasur asnjë reflektim në këtë drejtim.

Arsyet, së pari pagesa, mundësitë e avancimit në karrierë, specializimet afatgjata që janë hapur por janë pa pagesë, dhe e treta është siguria. Kjo është mundësia që u ofrojmë ne të rinjve. Po të dalësh dhe të bësh një anketim, se kush e ka blerë këmishën apo stetoskopin? Do thonë vetë. Kur vjen puna që mjeti që punon mjeku është i blerë nga vetë ai, e kuptoni se për çfarë po flasim. Dhe ndaj të gjitha këtyre është vendosur të bëhet asgjë”, tha Alimehmeti./CNA.al





Lajmet e fundit nga