web counter
LEXO PA REKLAMA!

SHKARKO APP

App Store
Google Play

Manjani "shuplakë" KLGJ-së/ Të kërkojnë hesap, në vend të ndjesës

8 Mars 2023, 21:23, Politikë CNA

Manjani "shuplakë" KLGJ-së/ Të kërkojnë

Ish-ministri i Drejtësisë, Ylli Manjani e ka konsideruar një reagim të pavend atë të KLGJ-së për çështjen e vulës të PD-së.

Pasi KLGJ u shpreh se aludimet publike për këtë çështje dëmtojnë besimin, Manjani i është kundërpërgjigjur duke thënë se në vend që të kërkojnë falje dhe të rregullojnë sjelljen drejtësia e gjyqtarët, ata kërkojnë llogari pse gjykata kritikohet.

Më tej, ai akuzoi Gjykatën e Apelit se me vendimin e dhënë ata rrëzuan jo vetëm besimin në drejtësi, por të gjithë sistemin.

“Jo mor jo!

Aludimet publike e dëmtokan besimin te drejtësia, ndërsa dhunimi i hapur i ligjit nga Gjykata e Apelit e cila pranon një ankim të një personi që nuk ishte palë në gjykim,e rregullon besimin te drejtësia!

Po mirë, le të themi se sqënka e kapur drejtësia, pse e dhunojnë ligjin, kushtetutën e demokracinë në vend ata për sport?!

Apo për qejf?!

Allah,allah...

Shikoni, në daç besojeni në daç jo, atë që ka bërë gjykata e apelit me rastin e vulës është rrëzim i gjithë drejtësisë jo thjesht i besimit tek ajo!

Është vendosje e saj nën hyqmin e pushtetit, kundër parimeve të shtetit.

Është vendosje e gjykatës kundër rendit demokratik në vend dhe qartësisht në dhunim masiv të të drejtës së gjysmës së votuesve për të votuar.

Kështu që KLGJ, le ta besojë vetë po të dojë këtë gjykatë e këtë drejtësi, se njeri tjetër ska shanc.

Ka kohë që Barometri dhe çdo matje tjetër tregojnë qartë se mbi 70% e shqiptarëve nuk besojnë se ka gjykatë të pavarur.

Oj, të kërkojnë edhe hesap pse kritikohet gjykata, në vend të kërkojnë ndjesë dhe të korrektojnë sjelljen e gjyqtarëve në raport me ligjin!!

Kulmi!”, shkruan ai./CNA.al





Lajmet e fundit nga