E fundit!

11:58 Aktualitet

ABI Bank ka refuzuar të paguajë gjobën 120 milionë për një portal gjobaxhi

ABI Bank ka refuzuar të paguajë gjobën 120 milionë për një...

Nuk çudit Basha, vijon misionin përçarës/ I merr postin Bardhit, vetëzgjidhet kreu i grupit

2 Shtator 2023, 15:21, Aktualitet CNA

Nuk çudit Basha, vijon misionin përçarës/ I merr postin

Nuk ka asgjë për tu habitur. Lulzim basha ka vijuar misionin e tij të përçarjes së Partisë Demokratike.

Këtë të shtunën në Kuvendin Kombëtar i PD-së së vulës i mbledhur nga Lulzim Basha u miratuan ndryshimet në statutin e partisë.

Sipas këtyre ndryshimeve, Lulzim Basha do të jetë edhe kreu i grupit parlamentar.

Në periudhen që PD është parti opozitare, kryetari i Partisë, në këtë rast Lulzim Basha, do të jetë njëherësh edhe kryetar i Grupit Parlamentar.

Sipas ndryshimeve të reja në statut , Sekretari i Përgjithshëm është përgjegjës për organizimin e partisë, si dhe për funksionimin e përditshëm të saj. Ai organizon dhe ndjek zbatimin e akteve të nxjerra nga organet qendrore të partisë në degët e PDSH-së.

Sekretari i Përgjithshëm ndihmohet nga Sekretariati në ushtrimin e kompetencave të tij. Anëtarët e Sekretariatit zgjidhen nga Këshilli Kombëtar.

Në mungesë të Sekretarit të Përgjithshëm, Kryesia e Partisë mund të komandojë një nga anëtarët e Sekretariatit të ushtrojë funksionet e Sekretarit të Përgjithshëm. Komandimi nuk mund të zgjasë më shumë se 3 muaj

Përkatësisht në “NENIN 48 GRUPI PARLAMENTAR I PARTISË” thuhet:

1) Grupi Parlamentar i PDSH-së përbëhet nga deputetët e saj në Kuvendin e Shqipërisë.

2) Kur PDSH është shumicë qeverisëse, Kryetari i Grupit Parlamentar zgjidhet me propozim të Kryetarit të Partisë nga Këshilli Kombëtar, me votim të fshehtë, ndërmjet jo më pak se dy kandidaturave.

3) Kur PDSH nuk është shumicë qeverisëse, Kryetari i Partisë është edhe Kryetar i Grupit
Parlamentar. Kryetari i Partisë, me autorizim të tij, mund të caktojë një prej Nënkryetarëve
të Partisë për të drejtuar Grupin Parlamentar.

4) Grupi Parlamentar i PDSH-së:

a) përfaqëson në Parlament PDSH-në dhe siguron aty mbrojtjen e platformës, programit
dhe interesave të PDSH-së;

b) harton programin dhe përcakton mënyrën e veprimit e të angazhimit të deputetëve të tij
në Parlament dhe në zonat elektorale përkatëse;

5) Rregullorja e funksionimit dhe përfaqësimi institucional i Grupit Parlamentar, miratohet me vendim të Kryesisë së Partisë.

Një nga ndryshimet e tjera është ajo që tregon që kreu i partisë nuk jep dorëheqje dhe pse humb zgjedhjet.

Kuvendi rezultoi siç pritej, çdo ndryshim Basha e ka përshtatur sipas interesave të tij personale.

Me këto ndryshime Basha vërteton atë që është thënë gjithmonë që qëllimi i Bashës nuk është Partia Demokratike por karrigia e tij dhe bashkëpunimi me Ramën./ CNA