LEXO PA REKLAMA!

SHKARKO APP

Policia paralajmëron shoferët/ Masa të rrepta nëse fëmijët nën 12 vjeç nuk pajisen me rrip sigurie

1 Shtator 2023, 21:51, Aktualitet CNA

Policia paralajmëron shoferët/ Masa të rrepta nëse

Policia e Shtetit ka bërë një paralajmërim për të gjithë shoferët, të cilët mund të kenë në automjetet e tyre pasagjer fëmijë nën moshën 12 vjeç.

Policia i kërkon këtyre shoferëve të pajisin fëmijët me sistemet e fiksimit, në të kundërt do të ketë penalitete.

Në rastet kur fëmijët nën 12 vjeç do të evidentohen pa rrip sigurie, ndëshkimi do të jetë një gjobë nga 5000 deri në 15 000 lekë.

Ndërsa, kur shkelësi është drejtuesi i mjetit, përveç gjobës, i pezullohet leja e drejtimit për një periudhë nga 6 deri në 12 muaj.

Për të krijuar një mjedis sa më të sigurtë për përdoruesit e rrugës dhe për qytetarët, Policia Rrugore është angazhuar maksimalisht për evidentimin dhe ndëshkimin e drejtuesve të mjeteve të cilët konstatohen duke shkelur rregullat e qarkullimit rrugor.

Si rezultat i kontrolleve janë evidentuar dhe goditur raste të drejtuesve të automjeteve të cilët mbajnë fëmijë nën moshën 12 vjeç, pa sistemet e fiksimit.

Kushdo që nuk përdor rripat e sigurisë dhe sistemet e fiksimit, të parashikuara për pasagjerët deri në 12 vjeç, ndëshkohet me masë administrative, nga 5000 deri në 15 000 lekë. Kur shkelja i takon një fëmije në moshë jomadhore, përgjegjësia bie mbi drejtuesin e mjetit ose mbi atë që është ngarkuar me mbikëqyrjen e fëmijës, kur ai ndodhet aty në çastin e kryerjes së shkeljes.

Në rast se shkelësi është drejtuesi i mjetit, përveç masës së parë administrative, atij i vendoset edhe masa administrative plotësuese pezullim i lejes së drejtimit për një periudhë nga 6 deri në 12 muaj”, thuhet në njoftimin e policisë./ CNA

Lajmet e fundit nga