LEXO PA REKLAMA!

SHKARKO APP

Takimi me homologen kanadeze/ Xhaçka zbulon pikat kyçe të diskutimeve

1 Shtator 2023, 10:53, Aktualitet CNA
Takimi me homologen kanadeze/ Xhaçka zbulon pikat kyçe të
Ministrja e Punëve të Jashtme, Olta Xhaçka

Ministrja e Punëve të Jashtme, Olta Xhaçka, ka zhvilluar një takim me homologen kanadeze, Melanie Joly.

Gjatë takimit dy ministret kanë diskutuar për thellimin e marrëdhënieve dypalëshe dhe forcimin e mëtejshëm të tyre në fusha me interes të përbashkët.

Gjithashtu kanë biseduar për mundësitë për të rritur praninë dhe investimet kanadeze në Shqipëri.

Një pikë e rëndësishme që është diskutuar në takim është pikërisht marrëveshja për sigurimet shoqërore ndërmjet dy vendeve.

Fjala e plotë e ministres Olta Xhaçka

Diskutuam për thellimin e marrëdhënieve dypalëshe dhe forcimin e mëtejshëm të tyre në fusha me interes të përbashkët. Vizita e MPJ kanadeze, shprehje e vullnetit për ta zhvilluar në mënyrë intensive bashkëpunimin tonë.

35 vite marrëdhënie diplomatike, relatat Shqipëri-Kanada kanë njohur rritje të vazhdueshme. Roli dhe kontributi i Kanadasë në arenën ndërkombëtare është rritur dukshëm. Ministrja Joly ka kontribut të dorës së parë në intensifikimin e marrëdhënieve mes dy vendeve.

Diskutuam për mundësitë për të rritur praninë dhe investimet kanadeze në Shqipëri.

Vlerësova rëndësinë e riaktivizimit të Fondit Kanadez për Iniciativat Lokale për të mbështetur programe të ndryshme.

Pjesë e diskutimeve edhe Marrëveshja e Sigurimeve Shoqërore ndërmjet Shqipërisë dhe Kanadasë.

Shprehëm mbështetjen tonë të palëkundur për sovranitetin e Ukrainës. Konstatuam nevojën për të forcuar koordinimin tonë dypalësh, me vendet e njëmendta dhe partnerët tanë në NATO.

Shqipëria mirëpret një përfshirje më të madhe e më intensive të bizneseve kanadeze në ekonominë e saj.

Shpresojmë të hapim një faqe të re në marrëdhëniet tona, duke intensifikuar marrëdhëniet bazuar në vlerat e përbashkëta.

Qeveria shqiptare është e përkushtuar maksimalisht për ta çuar këtë marrëdhënie përpara./ CNA

Lajmet e fundit nga