web counter
LEXO PA REKLAMA!

SHKARKO APP

App Store
Google Play

Çështja “Beleri”/ Flet vëllai i kryebashkiakut të zgjedhur të Himarës: Greqia, të ndërhyjë menjëherë

1 Shtator 2023, 14:11, Aktualitet CNA

Çështja “Beleri”/ Flet vëllai i kryebashkiakut

Vëllai i Fredi Belerit, kryebashkiakut të zgjedhur të Himarës, Leonard Beleri ka reaguar pas deklarateve të kryeministrit Edi Rama në lidhje me çështjen "Beleri".

Në një intervistë për mediat greke, Leonard Beleri ka përcejllë dhe mesazhin e Fredi Belerit nga qelia.

Ai deklaroi për "Action 24" se Beleri do të qëndrojë në burg për aq kohë sa të jetë e nevojshme dhe do të respektojë vendimin dhe votat e himarjotëve.

 “Jam i detyruar të respektoj vendimin dhe votat që kam marrë nga 4000 himarjotë. Do të qëndrojë në burg sa të jetë e nevojshme”, tha Leonard Beleri.

Nga ana tjetër,  ai ka theksuar se Greqia duhet të ndërhyjë menjëherë dhe të gjejë një zgjidhje që të mos realizohet skenari i kryeministrit Edi Rama për të lënë në burg Belerin derisa të përfundojë afati për betimin e tij dhe të bëhen zgjedhje të reja për Bashkinë e Himarës.

“ Pala shqiptare kërkon të mos lejojë që Bashkia të kalojë në duart e Greqisë. Kjo është e qartë, pas kaq shumë aplikimeve për lirimin e kryetarit të Himarës, në mënyrë që ai të bëjë betimin. Fatkeqësisht nuk ka vullnet. Nga data 12 maj e deri më sot, jemi të sigurt që kjo ka qenë e planifikuar që në fillim, që Bashkia e Himarës të mos ndërrojë dorë. Kjo vonesë i leverdis Ramës, sepse ai e ka humbur këtë bashki, por administrata i mbetet autoritetit të mëparshëm. Greqia duhet të këmbëngulë dhe të gjejë një zgjidhje menjëherë”, u shpreh vëllai i Belerit./ CNA





Lajmet e fundit nga