LEXO PA REKLAMA!

SHKARKO APP

Afera e shekullit/ Zbulohen pagatorët e Klodian Zotos

2 Shtator 2023, 11:36, Aktualitet CNA
Afera e shekullit/ Zbulohen pagatorët e Klodian Zotos
Klodian Zoto

Partia Demokratike e Sali Berishës në një deklaratë për mediat e përfaqësuar nga zëdhënësja Genta Vangjeli është shprehur se kompania e inceneratorëve Integrated Energy ka përfituar 244 pagesa nga disa institucione shtetërore duke filluar nga data 4 Prill 2018 deri në 23 Gusht të vitit 2023.

Këto pagesa kapin shifrën prej 65.9 miliardë lekësh. Në deklaratë theksohet se këto pagesa janë bërë për depozitim mbetjesh, një shërbim që u takon bashkive përkatëse.

Më tej u renditën pagatorët e Klodian Zotos, emri i të cilit del në inceneratorin e Tiranës, Elbasanit dhe Fierit .

"Integrated Energy, kompania famëkeqe e inceneratorëve, ka përfituar 244 pagesa prej 16 institucioneve shtetërore, qendrore dhe lokale, nga data 4 Prill 2018 deri në 23 Gusht 2023, në vlerën totale prej 65.9 miliard Lekësh.Këto pagesa janë bërë për depozitim mbetjesh, një shërbim që ndërkohë u takon bashkive përkatëse.Konkretisht pagatorët e Klodian Zotos janë:

-Bashkia Vore – 11 transaksione

-Bashkia Kavaja – 22 transaksione

-Bashkia Tirane -153 transaksione

-Agjencia e Mbrojtjes se Konsumatorit – 3 transaksione

-Ministria e Kultures- 13 transaksione

-Gjykata e larte – 4 transaksione

-Bashkia Durres – 2 transaksione

-Qendra e Formimit Profesional Nr.1 Tiranë

-Aparati i Drejtorisë së Policisë së Shtetit

-Agjencia e Kthimit dhe Kompensimit të Pronave

-INUK

-Drejtoria e informacionit te Klasifikuar

-Aparati Qendror INSTAT

-Spitali Distrofik

-Drejt.Pergj.Tatimeve", u tha në deklaratën për mediat. 

Sipas PD-së, kompania e Zotos është pjesë në tenderin e vitit 2020 për ndërtimin e landfillit të Vlorës me vlerë 9.8 milionë euro.

Ky projekt ka mbetur pezull pasi kompania e Klodian Zotos Integrated Technology Services është nën sekuestro preventive me urdhër të SPAK.

Kompania e Zotos është gjithashtu pjesë në tenderin e 2020 për ndërtimin e landfillit të Vlorës, me vlerë 9.8 milion euro i financuar me ndërmjetësimin e Agjencisë Gjermane për Zhvillim.

Ky projekt ka mbetur pezull pasi kompania e Klodian Zotos Integrated Technology Services është nën sekuestro preventive me urdhër të SPAK.

Kur dëgjoni emrin e Klodian Zotos që përsëritet…Klodian Zoto në Inceneratorin e Tiranës, Klodian Zoto në Inc e Elbasanit, Klodian Zoto në Inc e Fierit, Klodian Zoto në landfillin e Vlorës, Klodian Zoto në Bashkinë Durrës, Klodian Zoto në Bashkinë Vorë, Klodian Zoto në Bashkinë Kavajë, në INUK, Gjykatë të lartë, Tatime, Spitale etj… Pyeteni veten: cfarë do të thotë kjo?

Kjo do të thotë që vetëm njeriu më i fuqishëm, që ka pushtet mbi ?do institucion të këtij vendi, mund të “bekojë” shtrirjen e këtij shërbimi në të gjitha qytetet, institucionet, përfshirë këtu dhe ato të drejtësisë.

Ky njeri quhet Edi Rama.

Paratë e vjedhura kërkojani atij. Klodian Zoto është vetëm një pupac me rrogë të lartë”, ka theksuar në deklaratën e saj PD, përmes Genta Vangjelit./ CNA

Lajmet e fundit nga