LEXO PA REKLAMA!

SHKARKO APP

E fundit!

x

Pas largimeve masive, Basha dezinfekton zyrat e PD-së me açe

11 Gusht 2023, 19:07, Satire Politike CNA

Pas largimeve masive, Basha dezinfekton zyrat e PD-së me açe

Lulzim Basha po korr suksese të njëpasnjëshme.

Fillimisht përçau PD-në, ndërsa suksesi i tij kulmoi me largime masive, kur Luli fitoi zgjedhjet me kutitë bosh dhe me mbështetës imagjinarë.

Bashkë me 19 Petrita, pas zgjedhjeve masive ai hyri në godinë dhe shpalli fitoren. E pasi siguroi PD-në pa vulë, Luli i është përveshur punës me themel.

Hapi i radhës i tij janë zyrat. Siç shihet edhe nga pamjet e publikuara në rrjet, Basha ka nisur dezinfektimin me açe të zyrave të PD-së, të atyre zyrave ku deri më tani kishte qëndruar Gazment Bardhi.

Mesa duket Luli po kërkon të heqë edhe shenjën e fundit që Bardhi me shokë mund të ketë lënë, në kohën kur mbante të gjitha postet drejtuese në PD-në e vulës, teksa Basha ishte me pushime të gjata dhe në gjumë të thellë.

Ndryshe nga partitë e tjera, shihet qartë se Lulzim Basha me 19 Petritat e kanë nisur aksionin opozitar kundër qeverisë Rama që në muajin gusht.

Deri më tani kryeministri i vendit nuk ka reaguar për aksionin e fundit opozitar të Lulit, që shkundi mazhorancën dhe i dha tërmet Bardhit.

Dhe si mund ta nisësh më mbarë se kaq, nuk rrëzohet Qeveria pa pasur zyrat e pastra./ CNA

 

Lajmet e fundit nga