web counter
LEXO PA REKLAMA!

SHKARKO APP

App Store
Google Play

E fundit!

x

Nga Berisha tek i perënduari Lulzim Basha/ Patozi skanon situatën në PD

18 Shkurt 2023, 09:17, Politikë CNA

Nga Berisha tek i perënduari Lulzim Basha/ Patozi skanon situatën

Astrit Patozi, ish-koordianator i Bindjes Demokratike, ka komentuar zhvillimet në PD.

Për situatën aktuale ai ka fajësuar kreun e PD-së, Sali Berisha.

“Që kur ndodhi konflikti, pa plasur pushka, pa vajtur tek ajo ngjarja e shëmtuar e 8 janarit, kam qenë ndër të parët, për të mos thënë i vetmi, që i kam ftuar të ndahen në mënyrë qytetare. Ndarja në mënyrë qytetare do t’u jepte ndoshta mundësinë që sot ose në një të ardhme të afërt, të kishin mundësi të bashkëpunonin nëse nuk mund të konvergonin në të njëjtën parti. Ata s’e bënë, ata po zgjasin agoninë dhe kjo është një vetëvrasje politike dhe tregon edhe mungesë inteligjence. Fajtori kryesor është Sali Berisha, pastaj ka edhe plot të tjerë, po të doni më fusni edhe mua te një pjesë e fajit. Pse e vë gishtin te Berisha? E vë gishtin tek ajo që ndodhi pasi i mori revanshin Bashës. Në çastin që e mundi, me metodat mesjetare dhe ndihmën e Metës, por s’ka rëndësi, por vendimi që mori për ta udhëhequr vetë atë që mbeti nga PD pas dërrmimit të Bashës, ajo ishte një goditje e pamerituar. Kam përshtypjen i ka mbyllur perspektivën për një kohë të gjatë PD-së për t’u rigjeneruar dhe ardhur në pushtet”, është shprehur Patozi, në emisionin " Arnautistan".

Ndërsa për ish-kreun e PD-së Lulzim Basha, Patozi tha se “fshehja e Lulzim Bashës përveçse është kundërproduktive, edhe e padenjë, për atë pjesë që ndoshta ende beson te rikthimi ose ylli i paperënduar i tij”./CNA.al





Lajmet e fundit nga