LEXO PA REKLAMA!

SHKARKO APP

Dizajnuesja e kravatave të Ramës del kundër PD-së/ “Të mbështesim një kandidate femër”

17 Shkurt 2023, 15:52, Politikë CNA

Dizajnuesja e kravatave të Ramës del kundër PD-së/

Ish-deputetja që dizajnon kravatat e Ramës, teksa ka konfirmuar rikthimin e saj në politikë pas disa vitesh shkëputje, pretendon Bashkinë e Tiranës.

Ajo tha se është e gatshme të garojë, teksa u shpreh se misionin e saj në PD e quan të mbyllur, duke konfirmuar rivalitetin.

Dizajnuesja e kravatave të Ramës, duke marrë edhe “petkun” e gjyqtares, tha në një studio televizive se data e gjyqit është thjesht një moment juridik për të djathtën.

Unë ndihem realisht keq, e shoh këtë situatë siç është sot. Jam njeri që mundohem të jem me këmbë në tokë, që ta lexoj realitetin siç është. Ky realitet nuk është premtues. Data e gjyqit është thjesht një moment juridik, por brenda gjithë masës së partisë ka probleme, nga lart deri në bazë. Në këtë situatë kur e djathta që për mua është një mrekulli, në Shqipëri është një pjesë e rëndësishme e shoqërisë që mbart shumë vlera, shumë kapacitete profesionale duhet të përfaqësohet.

Këtë përfaqësim brenda kuadrit të sistemit që ne kemi mund t’ia japësh duke krijuar një alternativë brenda garës elektorale. Jam e gatshme të marr përsipër sfidën e garës për kryetare bashkie në Tiranë.
Është një mundësi dhe mundësia e vetme që të ofron sistemi sot, për t’u bërë direkt vetë pjesë e garës. Unë misionin për të mbështetur PD-në e quaj të mbyllur dhe ka kohë që e kam quajtur të pamundur, rezultatet kanë qenë të trishta. Në këtë kontekst nuk është se është prioritet për mua sigla. Për mua është e rëndësishme të marrim përgjegjësi dhe për të dhënë kontribut. Politikën e kam zgjedhur për bindje, për pasion. Njoh shumë mirë si organizohet një fushatë e suksesshme në Tiranë. Kërkon një impenjim dhe përgjegjësi të nivelit të lartë”, u shpreh dizajnuesja e kravatave të Ramës.

Tashmë ish-deputetja dizajnuese kravatash, teksa kërkon të shfaqet si alternativë, tha se i ka ardhur koha Tiranës për t'i dhënë një kandidate femër.

Përnaska tha se jemi në një stad që duhet të hapemi dhe për alternativa.

“Unë mendoj se e kam të gjithë shansin që ta ofroj këtë kapacitet dhe potencial timin në dobi të kësaj gare për t’u ofruar qytetarëve të Tiranës një alternativë. Ka një energji të fortë në qytetin e Tiranës që kërkon ndryshimin, por kjo energji nuk e di ku të kanalizohet. Jemi në një stad që duhet të hapemi dhe për alternativa. Mbështesim një kandidate femër, i ka ardhur koha Tiranës për t'i dhënë një kandidate femër. Pastaj mendoj se janë votuesit që zgjedhin. Ne femrat kemi potenciale të forta, boll punuam për të tjerët”, deklaroi Përnaska.

Në garë për Bashkinë e Tiranës në zgjedhjet e 14 majit, do të jenë në garë katër kandidatë.

Deputetja Lajla Përnaska, e cila dizajnon kravatat e kryeministrit Edi Rama, do ketë përballë Belind Këlliçin, kandidat i PD-së dhe opozitës i zgjedhur nga Primaret dhe që është më potenciali për të marrë drejtimin e Tiranës, Arian Galdinin të LRE-së, që njihet si ish-aleat i Bashës, si dhe nga ana e socialistëve pritet rikandidimi i Erion Veliajt./CNA.al

Lajmet e fundit nga