E fundit!

16:22 Aktualitet

Vrasja e policit në Maliq/ Hita: Nëse DVP Korçë do kishte kërkuar ndihmë do ishin marrë masa më të forta

Kreu i Policisë së Shtetit Skënder Hita ka zbarkuar në Kor...

“McGonigal, s’ka asnjë shans për Komision Hetimor”/ Berisha i përgjigjet Ramës

17 Shkurt 2023, 12:39, Politikë CNA

“McGonigal, s’ka asnjë shans për Komision Hetimor”/

Kryeministri Edi Rama ka deklaruar një natë më parë, se nuk ka asnjë shans që të pranojë një Komision Hetimor për lidhjen e tij me ish-zyrtarin e lartë të FBI-së, Charles McGonigal.

Ai e konsideron këtë një abuzim nga ana e opozitës, pasi thotë se ai nuk është në hetim nga drejtësia amerikane.

Kreu i PD-së, Sali Berisha, ka reaguar duke thënë se Rama po provokon, pasi kërkon destabilizim të plotë.

“Deklaroi mbrëmë, siç e dëgjuat, që unë nuk lejoj, nuk ka shans të lejoj komision parlamentar për Uotergejtin e shekullit të XXI-të, për një aferë që ka tronditur në palcë politikën dhe jetën në SHBA, por edhe në Shqipëri dhe mbarë vendet e tjera.

Edi Rama nuk ka shans të pengojë të drejtën kushtetuese, të parlamentit shqiptar për të krijuar komisione.

Nëse ky beson në këtë, provokon në vend destabilizim të plotë.

Unë u them qytetarëve shqiptarë, që kurrë në histori, as në diktaturë, as pas diktature, nuk ka ndodhur që byroja e parlamentit të anulojë ligjet.

Nuk ka, as byroja politike e Enver Hoxhës nuk anulonte ligjet.

Anulimi i ligjit ka vetëm procedurë ligjore, parlamentare.

Një grup banditësh pa asnjë moral, thonë se byroja anuloi ligjin e komisioneve hetimore, jashtë çdo imagjinate”, ka thënë Berisha.

Sipas kreut të PD-së, ligji anulohet vetëm me ligj të parlamentit dhe kurrë me vullnet të dikujt tjetër.

“Banditizmi politik, shpërfillja ndaj vullnetit të qytetarëve, ndaj Kushtetutës, këtu tejkalon edhe Korenë e Veriut.

Se edhe diktatura e zbatonte procedurën në tërësi.

Por nuk është kurrë kompetencë e byrosë së parlamentit. Kjo tregon se verbëria, tmerri dhe paniku që ka Edi Rama nga aktet që ka kryer, e shtyjnë në çdo veprim.

Ka humbur mendjen dhe kërkon si mi të shpëtojë prapa çdo lloj absurditeti. Të fshihet”, është shprehur Berisha./CNA.al