Deklarata e fortë e Këlliçit/ "Më shkruajnë shumë të majtë, denoncimet kryesore i kam nga ata"

16 Shkurt 2023, 22:53, Politikë CNA

Deklarata e fortë e Këlliçit/ "Më shkruajnë

Kandidati i PD për bashkinë e Tiranës , Belind Këlliçi ka folur rreth zgjedhjeve të 14 majit ku ka deklaruar se do t’i bindet vullnetit të Primareve.

Në një intervistë për gazetarin Endri Xhafo ai tha se do të bashkëpunojë jo vetëm me Partinë e Lirisë, por edhe i majtë po të jetë.

Ndër të tjera ai theksoi se janë shumë të majtë që më shkruajnë, denoncimet kryesore për kryeqytetin i merr nga ata.

"Unë respektoj çdo koleg, çdo titullar dhe nuk kam asnjë kompleks për t’i shtrënguar dorën as atyre që i kam mundur, as atyre që më kanë mundur. Me të gjithë i kam marrëdhëniet korrekte dhe fakti që përballë do të kem Erion Veliajn, kjo do i bëjë demokratët bashkë. Nuk ka asnjë demokrat sot në Tiranë, sepse nëse ky grupim ka vota apo mbështetje ka brenda PD-së, asnjë demokrat nuk voton Veliajn përballë meje. Veliaj është një emërues i përbashkët për t’u angazhuar të gjithë demokratët kundër tij. Zonja përnaska nëse hyn në garë, besoj se nuk do të marrë vota nga kampi opozitar, besoj se do të heqë vota nga Veliaj. Janë të lirë të futen në garë kushdo. Di që kam shumë shok, shumë miq, që nga fillorja, në gjimnaz, në universitet, etj, nuk kam si t’i radhis. Do të ketë interes shumë të madh që ata të bëhen të gjithë bashkë.

Mbase ju e njihni edhe me mirë se unë që zoti Berisha është shumë zyrtar në bashkëpunimet e tij. Ai njeh marrëveshjet politike. Vendimarrja është 100 % e imja. Por modalitetet për këshilltarët bashkiakë nuk kemi një përfundim. Por ekipi që do të krijojë është 100 % përgjegjësi e imja. Kërkoni një deklaratë të vetme publike, ku unë të kem lakuar, fyer, etj. Edhe kur më kanë vjedhur zyrën, edhe kur më kanë bastisur zyrën kur isha kryetar forumi, unë nuk kam lakuar askënd. Unë jam treguar i kujdesshëm, pasi e kam ditur që ne pas një ose dy vitesh do të ishim të detyruar për të bashkëpunuar. Unë jam i hapur për të bashkëpunuar me këdo.

Unë do i bindem vullnetit të “Primareve” në Partinë Demokratike. Pa u regjistruar në zgjedhje nuk do të rrijë. Janë 8500 anëtarë të PD-së që kanë marrë pjesë në një proces model. Unë do të regjistrohem në zgjedhje. Do të kem bashkëpunim jo vetëm me Partinë e Lirisë, por edhe i majtë po të jetë. Janë shumë të majtë që më shkruajnë, denoncimet kryesore nga at ai kam. Interesi i përbashkët është më i madh se përçarjet e vogla. Ky interes më bën që të je mi hapur për çdo bashkëpunim", tha ai./CNA.al