E fundit!

09:53 Aktualitet

Denoncimi: Qytetarët në radhë në Poliklinikën e Lushnjes

Deputeti i PD-së Saimir Korreshi ka denoncuar një tjetër p...

"Rama u kthye si struci në Kuvend"/ Hajdari shan socialistët: Janë kartona

16 Shkurt 2023, 17:47, Politikë CNA

"Rama u kthye si struci në Kuvend"/ Hajdari shan

Ish-deputetja e PD-së Rudina Hajdari, ka folur rreth ngjarjeve të ditës së sotme nga kthimi i kryeministrit Edi Rama në Kuvend deri në tensionet përgjatë seancës së sotme parlamentare dhe ato të kaluara.

Përgjatë intervistës së saj me gazetaren Ina Qirjo ajo tha se deputetët e Ramës janë kthyer në kartona që i binden urdhrave të Ramës.

“Deputetët e Ramës janë thjeshtë kartona. Nëse ai ka një këndvështrim autokratik dhe sillet në mënyrë arrogante me opozitën, sjellje që nuk i takon një kryeministri, ata thjeshtë duartrokasin dhe ngrenë kartonin. Nuk i kanë ikur mentalitetit të vjetër që kur ngrihet kryetari i Kuvendit duhet të duartrokitet. Kur jepet urdhri i Ramës duhet ta ndjekin pas, të gjithë veç Braces që ka një sjellje pak më ndryshe. Janë të gjithë si ato bilbilat që binin sot, nuk thonë asgjë të re për publikun shqiptar”, u shpreh Hajdari.

Lidhur me tensionet në Parlament ajo tha se ky institucion është kthyer në shëmbëlltyrën e shëmtuar të mungesës së demokracisë në vend.

“Parlamenti është kthyer në shëmbëlltyrën e shëmtuar të mungesës së demokracisë në vend. Sjellja e kryeparlamentares dhe zëvendësueses së saj tregon një drejtim që në fakt e kemi parë dhe nuk ka ndodhur në 32 vite të përjashtohen kaq shumë deputetë të opozitës duke u ndaluar të drejtën e fjalës. Të gjitha aktet e shëmtuara tregojnë sjelljen e qeverisë Rama që ashpërsohet përballë opozitës”, tha ajo.

Për rikthimin e kreut të qeverisë sot në Parlament, Hajdari e krahasoi kryeministrin me një struc dhe tha se ishte një rikthim jo shumë burrëror.

“Rama së pari të japë shpjegime para shqiptarëve dhe Kuvendi është vendi më institucional për ta bërë një gjë të tillë.Mënyra se si herët e tjera ia ka hedhur fajin vartësve të tij, tregon imoralitetin e një politikani. U kthye si struci sepse po të ishte burrë shteti do kishte thënë dy fjalë. uroj shqiptarët që na u bashkuan në protesta për t’i treguar Ramës se kush është në të vërtetë dhe se shpërfillja ndaj opozitës është shpërfillje e shqiptarëve”, theksoi ish-deputetja./ CNA.al