Me 362 vota në parlament/ Vasili akuzon Ramën si dështak të vetasgjësuar

17 Shkurt 2023, 11:09, Politikë CNA

Deputeti me 362 vota i PL-së, Petrit Vasili, teksa ka reaguar lidhur me deklaratat e Ramës për çështjen "McGonigal", shkruan se kryeministri është vetasgjësuar ligjërisht e moralisht.

Edhe pse me 362 vota, Vasili e quan Ramën gërmadhë korruptive, zuzar mafioz, të paligjshëm, apo dhe zaptues ordiner.

Vetë arriti të futej në parlament me 362 vota, por nuk e ka aspak problem teksa e quan Ramën dështak ekzemplar. Vasili shkruan se kryeministri e bëri Shqipërinë narkoshtet të korruptuar, largoi qindra mijëra shqiptarë, dhe tmerrohet nga llogaridhënia në parlament për çështjen "McGonigal", pasi e korruptoi për interesat e tij mafioze, politike e personale.

Petrit Vasili e akuzon gjithashtu Ramën për vjedhje, për inceneratorët, shitje të kufirit, duke e mbyllur, e i ka futur thikën Kosovës me "Ballkanin e Hapur".

Reagimi i plotë:

Edi Rama nje gërmadhe korruptive dhe zuzar mafioz!

Duke refuzuar llogaridhënien në Parlament ky individ është vetëlarguar dhe vetëasgjësuar ligjërisht dhe moralisht.

Antikushtetues, i paligjshëm, i korruptuar dhe korruptues, ky individ është thjesht një zaptues ordiner i zyrës së kryeministrit dhe që nuk ka as lidhjen më të vogël as me shtetarin dhe njeriun e ligjit, por vetëm me antiligjin dhe antishtetin.

I dështuar në çdo drejtim, i korruptuar në çdo pikëpamje dhe mafioz në çdo veprim ky është portreti i kryeministrit më dizastër, që Shqipëria ka pare ndonjëherë.

Dështak ekzemplar Edi Rama është kryeministri që i ka sjellë vetëm të këqija të rënda sepse :

E bëri Shqipërinë narkoshtetin e vetëm të historisë së Europës.

E bëri të parën për korrupsion në Europë dhe të dytën në botë.

Largoi nga Shqipëria qindra mijëra shqiptarë më keq se në fund vitet 90'.

Tmerrohet nga llogaridhënia dhe nuk vjen në Parlament, pasi është i zi në çdo veprim aq sa korruptoi edhe Mc Gonigal për interesat e tij mafioze, politike e personale duke bërë pis edhe marrëdhëniet aq të rëndësishme me SHBA.

E ktheu zyrën e kryeministrit në një çerdhe mafioze të neveritshme.

E ktheu parlamentin përmes deputetëve të tij të pacipë në noterizues të vjedhjeve të tij prej miliarda eurosh dhe prodhues ligjesh me porosi të mafies dhe oligarkëve.

E futi Shqipërinë në listën e zezë të pastrimit të parave.

E futi Shqipërinë nën monitorimin e BE si vend me financa të shkatërruara nga pikëpamja fiskale.

E vodhi me inceneratorët për qindra milion euro.

E vodhi me Portin e Durresit për miliarda euro.

Vjedh dhe shkatërron pronat e shqiptareve përmes banditëve të IKMT, që zbatojnë urdhrat e tij mafioze e të paligjshme.

I la shqiptarët pa drejtësi duke shkatërruar dhe kapur drejtësinë për veten e tij dhe per interesat e bandës së tij mafioze.

I shet kufijtë e Shqipërisë si një tradhëtar dhe mafioz si askush në histori.

I futi thikën pas shpine Kosovës me kufijtë dhe Ballkanin e Hapur.

Si përfundim çdo mjet për largimin e këtij individi të paligjshëm është legjitim.

Asnjë kompleks nuk duhet patur në këtë betejë në emër të ligjit dhe të interesit publik aq të rrënuar e tronditur nga veprimet e këtij individi, që përfaqëson një gërmadhe korruptive dhe zuzar mafioz.